Schegie ch’igl emprem hotel ella val ei probablamein vegnius aviarts entuorn 1850, ha ei duvrau ditg tochen ch’il turissem ha propi fitgau pei en Tujetsch. Igl ir cun skis ei vegniu si pér entuorn 1900 e muntava da gliez temps aunc ascender a pei. Igl emprem runal da tagliors ei vegnius mess en funcziun 1947 e menava dil Sontget odem il vitg Sedrun tochen si tier la lingia dil tren. Igl onn 1956 ein la sutgera da Cungieri e 1959 il runal dil Calmut i en funcziun. A partir da 1962 han ins entschiet ad arver il territori da skis principal denter Dieni ed igl Alpsu. La purschida turistica en Tujetsch serestrenscha denton buca mo sil sport d’unviern. Aschia han ins aviert igl onn 1971 il bogn cuvretg, igl onn 1996 la plazza da golf a Selva ed igl onn 2004 l’oasa da wellness.
Quei havess ins forsa saviu dir cura ch’in viadi cun crotscha e cavagl tochen giu Cuera cuzzava aunc in entir di. Per quei viadi drov’ins oz cun auto biebein in’ura e cun tren ina ura e tschunconta minutas. La via en direcziun Mustér e Cuera ei la pli impurtonta colligiaziun per la Val Tujetsch. La Svizra interna e Turitg contonsch’ins denton pli spert sur igl Alpsu. Per il traffic stradal ei quel denton serraus sur unviern. La pli cuorta via el Tessin meina sul Lucmagn. Sin via ein Lucerna e Bellinzona contonschibels la stad en biebein ina ura, Turitg en rodund duas uras e Berna en duas uras e mesa.
Sco las vischnauncas Mustér, Medel, Sumvitg, Trun e Breil apparteneva era Tujetsch agl imperi feudal dalla claustra da Mustér. Las siat vischnauncas sisum la Surselava fuorman perquei da vegl enneu la CADI (casa da Diu). Il cumin dalla Cadi elegia aunc oz il mistral che ha oravontut aunc funcziuns dalla giurisdicziun bassa. Ultra da quei vegnan era ils deputai, ils representants dalla Cadi el parlament cantunal, eligi dil cumin. Igl onn 2000 ei il cumin tradiziunal sil prau cumin sut la claustra da Mustér vegnius abolius e substituius entras elecziuns all’urna. Pli baul exequeva il cumin tut las impurtontas funcziuns politicas e giudizialas. Tec a tec, surtut denton cun las refuormas da 1848, ein quellas idas vi u allas vischnauncas, al district ni al Cantun.
Las relaziuns en Tujetsch ein bein surveseivlas ed ins enconuscha in l’auter. Ei vegn perquei politisau fetg direct, magari era impulsiv. La pussonza suprema en vischnaunca ei il pievel che votescha all’urna ni alla radunonza da vischnaunca. Sper quel exequescha il cussegl da vischnaunca cun 11 commembers las funcziuns legislativas. Organ executiv ei la suprastonza cun 5 commembers menada dil president communal. Las partidas politicas giogan negina rolla sin plaun communal e perquei existan neginas secziuns localas. Tochen entuorn la mesadad dil 19avel tschentaner era Tujetsch en emprema lingia ina unitad administrativa che decideva surtut davart damondas dall’agricultura e dil pauperesser. La pussonza politica e giudiziala apparteneva al cumin dalla Cadi.
Tochen els onns tschunconta era l’agricultura il sectur economic che dominava claramein en Tujetsch. Oz dat ei mo pli rodund 20 menaschis purils en vischnaunca. Tuttas vaccas, nuorsas, cauras e gaglinas dalla Val anflassen oz senza problem in letg en in hotel ni en ina habitaziun da vacanzas. Il turissem ei denton daventaus la branscha economica la pli impurtonta. Dalla populaziun activa lavuran 12.25 % el sectur primar (agricultura e forestalesser), 30.25 % el sectur secundar (construcziun, mistregn etc.) e 57.50 % el sectur terziar (gastronomia, commerci, administraziun etc.). In impuls economic impurtont e restont per la vischnaunca ha la construcziun dils dus mirs da fermada e dalla ovra electrica Reinanteriur da 1955-1967 dau. Oz ei il plazzal dalla NEAT in impurtont motor per l’economia locala e regiunala. Igl onn 2006 luvravan rodund 450 persunas sin quei plazzal.
Ils emprems colonists ein carteivlamein secasai ella Val suenter la fundaziun dalla claustra da Mustér el decuors digl 8avel tschentaner. Els ein arrivai da sutsi. En ina secunda fasa han ils Gualsers colonisau il territori da Tujetsch neu dil Valleis e dalla Val d’Ursera. Quei ei succediu el decuors dil 12 e 13avel tschentaner. Sch’ins sa crer allas fontaunas ha la pestilenza caschunau ils onns 1556, 1568 e 1584 mo en Tujetsch buca meins che 1600 victimas. Quella cefra fa surstar, sch’ins patratga che mo biebein 800 persunas savevan viver dalla producziun agrara dalla Val. Naven dall’entschatta dil 20avel tschentaner ei la populaziun da Tujetsch carschida cuntinuadamein. Igl onn 1900 dumbrava ella 810 habitonts, igl onn 1930 - 920, igl onn 1950 - 1122, igl onn 1960 - 1855 (cumpriu luvrers vid l’ovra electrica Reinanteriur), igl onn 1970 - 1273, igl onn 1990 - 1357 ed ils 31 da december 2005 - 2005 habitonts (cumpriu 450 luvrers sil plazzal dalla NEAT).
Dils rodund 66 vitgs, uclauns e beins d’antruras ein restai mo pli 11. Ils habitadis da Giuv, Nacla, Canadal, Cavorgia-sura e Nislas ein vegni bandunai encunter la fin dil 18avel tschentaner. Aunc oz han ils uclauns empau giud maun sco Selva, Tschamut e Cavorgia da sbatter per surviver. Bia casas vegnan duvradas mo pli per far vacanzas. La plipart dalla populaziun tuatschina habitescha oz a Sedrun, Gionda e Camischolas sco era a Rueras, leu nua che las stizuns, la posta, las scolas, las ustrias ed auters cundrezs d’infrastructura sesanflan.
Tujetsch ha sco l’ulteriura part dalla Cadi ina ferma tradiziun catolica. Quei ei surtut d’attribuir alla claustra da Mustér, dalla quala il territori ei vegnius cristianisaus. Carteivel sco reacziun encunter la reformaziun ein buca meins che tschun dallas nov capluttas ella Val vegnidas construidas duront il 17avel tschentaner. La pietusadad dils Tuatschins semanifestava era els gronds pelegrinadis sur il Pass las Cruschs a Nossadunnaun e sur igl Alpsu tochen sil Gottard. Quels han ins fatg tochen all’entschatta dil 19avel tschentaner, il davos pelegrinadi sil Gottard ei stau quel da 1827. La religiun ei aunc ditg viaden el 20avel tschentaner in impurtont element social en vischnaunca. Tier la davosa dumbraziun dil pievel indicheschan 87% dils habitonts dad esser catolics.
Na gliez buca, denton han ins stuiu instituir in cussegl franzos e pender ora la tricolora sil clutgèr-baselgia suenter che l’armada da Napoleon era marschada sur igl Alpsu ed haveva occupau la Surselva. L’emprema invasiun dils 6 da mars 1799 ha pretendiu pliras victimas en Tujetsch, ei denton vegnida battida anavos a Cons/Mustér. En Surselva vegnevan ils Franzos considerai sco revoluzers senza Diu e cardientscha. Perquei eran ins s’alliai cun l’Austria. Gia ils 9 da mars 1799 han ils Sursilvans denton stuiu ceder alla surpeisa franzosa e render las armas. Il temps d’occupaziun ha pretendiu gronds sacrifecis dalla populaziun che veva sezza da sbatter per siu daviver. Sco resultat da quellas turbulenzas ha il Grischun survegniu novas structuras politicas ed ei vegnius integraus igl onn 1803 sco in dils davos cantuns ella Confederaziun svizra.
Da tschien persunas che creschan si e frequentan las scolas ella Val resta strusch la mesadad cheu. Il marcau da lavur fetg restrenschiu sforza bia glieud all’emigraziun. Quei era gia pli baul aschia. Denter 1835 e 1880 han buca meins che 550 persunas bandunau la Val. In quart da quellas ein emigradas ell’America, il rest en autras regiuns dalla Svizra ni en Tiaratudestga. Aunc all’entschatta dil 20avel tschentaner ein famiglias tuatschinas emigradas ell’America. Entgins nums locals da lur veglia patria han ils colonists tuatschins priu cun els. Aschia anfl’ins per exempel in "Lake Badus" a South Dakota els Stadis Uni dall’America. Oz prendan ils Tuatschins che bandunan la Val pil pli domicil ella Bassa. Biars mantegnan in stretg ligiom cun Tujetsch e tuornan per part schizun anavos suenter la pensiun.
Cun la construcziun dall’ovra electrica da Salins igl onn 1918 han ils Tuatschins procurau per forza electrica ella Val. Tec a tec ein las cazzolas da petroli e las candeilas svanidas ord las stivas. Tonaton ei Cavorgia vegniu electrificau pér 1957. Oz furneschan las ovras da Strem e Val Giuv biebein in tierz dall’energia electrica che vegn duvrada ella Val. Suenter ch’il scamond da carrar cun auto el cantun Grischun ei vegnius sligiaus igl onn 1925, ein ils autos privats beinspert era cumpari en Tujetsch. Ins era sceptics enviers quels novs vehichels. In Tuatschin duei haver detg, vesend igl emprem automobil: "Tuffar toffa el, aber grascha datti betg". Igl onn 1934 ha igl emprem convischin cumprau in auto. Igl onn 1952 ha la via tras Sedrun survegniu l’emprema cuvrida dad asfalt. Il dretg da vuschar sin plaun communal han las dunnas survegniu igl onn 1972. L’emprema planisaziun locala ei ida en vigur suenter tschun onns da discussiun e preparaziun igl onn 1975. Igl onn 1986 ei la serenera communala vegnida messa en funcziun.
Gia entuorn 1920 ein las empremas casas da vacanzas vegnidas baghegiadas en Tujetsch. Ils indigens numnavan quellas da gliez temps "villas" ed aunc oz vegn quei liug a Niregl numnaus "orasi las villas". Il ver boom da baghegiar ha denton entschiet all’entschatta dils onns 70 e cuoza quasi senza interrupziun tochen sil di dad oz. Ella Val ei sestabiliu in’atgna industria sin quei sectur. Sper lavur e gudogn ha quei svilup era purtau bia casas e habitaziuns occupadas mo parzialmein e buca fatg dapertut bein al maletg dalla Val. Tujetsch ha oz ina cumpart da secundas habitaziuns da rodund 50% quei che munta circa 820 habitaziuns habitadas mo temporalmein.
Franc anfl’ins negin kino, negin’opera e negin teater en Tujetsch. Quel ch’enquera talas offertas va bugen ina gada ni l’autra el marcau. Mo era schia eis ei mai lungurus ella Val. Sper differentas purschidas da sport e temps liber ha Tujetsch rodund trenta uniuns cun las pli variontas activitads. Ina pissiun da biars Tuatschins mereta denton da vegnir menziunada specialmein. Igl ei il dar troccas. Sper las quater colurs spada, bastun, rosas e cuppas datti ventgina trocca ed il narr. Las troccas cun figuras sco la mort, il giavel, la giustia ed il sulegl han la funcziun d’ina sort trumf. Igl ault art dil giug ei il dar troccas cun risdar. Tiel risdar astgan ils giugadurs tradir lur hartas. Quei succeda denton a moda fetg subtila ed igl ei buca adina sempel da differenziar denter bluf e verdad.
Ils da Tujetsch ed ils da Mustér ein buns vischins. Tuttina dar ei era certas animositads. Sper Mustér sco center politic ed economic dalla Cadi pudeva Tujetsch parer pli baul aunc empau sempel e puril. Il grond progress economic ha denton fatg orda Tujetsch in partenari egual e dau a ses habitonts ina nova schientscha. Surtut sin lur dialect, pil qual ils Tuatschins ein vegni ris ora bia, ein els oz fetg loschs. Mattei eisi denton normal che vischins tilan si in l’auter. En Tujetsch tschontsch’ins lu buca dils da Mustér, mobein empau diminutiv dils "Mustétgels". Denton era ils da Medel ston crer vidlunder e vertir beinenqual sgnocca sur dad els. Gie perfin en Tujetsch devi pli baul animositads denter quels da Sedrun e quels da Rueras e denter quels dadens igl uaul e quels dado igl uaul.
Magari vegn detg dils da Tujetsch ch’els seigien tgaus gross. Sche quei fa ora la cavazza tuatschina datti mattei aunc oz quella. In antropolog vul denton haver anflau tiel Tuatschin e tier la Tuatschina ina sfendaglietta tut particulara egl ies dil frunt. La scuvretga dalla cavazza tuatschina pia in mussament ch’ils da Tujetsch ein tuttina in raz aparti, aschidadir ina metamorfosa dil homo sapiens al homo sapiens tuatschiniensis? Ell’antropologia moderna vegn la cavazza tuatschina buca pli descretta. Sia existenza sto insumma vegnir messa en damonda ed ei carteivlamein dad attribuir alla surpremura dils antropologs da vuler classificar il carstgaun tochen viaden tier la secunda uiara mundiala suenter derivonza e fisionomia.
Tut da surstar tgei migliacs da material che s’emplunan giul Drun, giudem ils plauns Sedrun ed ella Val Bugnei. Las talpas che stauschan siado quels ord il profund ein ils miniers che lavuran vid il tunnel da basa dil Gottard. Sedrun ei in dils tschun plazzals dalla NEAT. Da cheu anora vegn perfurau il massiv intermediar tuatschin, ina zona geologica ordvart difficultusa. Igl access al pei dil tunnel succeda naven dil venter dil Tgom sur in tumbin vertical da varga 800 meters. Il plazzal dalla NEAT a Sedrun ei tecnicamein spectaculars ed attira mintg’onn plirs mellis visitaders. Las lavurs per propi han entschiet 1996. Cun 57 kilometers vegn il tunnel da basa dil Gottard il pli liung tunnel da viafier dil mund. Igl ei previu da metter en funcziun quel igl onn 2016 - sch’il cuolm ei beinvulents.
La perspectiva d’in access naven dil tunnel da basa dil Gottard si a Sedrun - la Porta Alpina - sveglia la fantasia! Duei Tujetsch daventar in marcau alpin, domicil per tschiens pendularis che lavuran giu la Bassa, destinaziun per turists da gl’entir mund che sefuretgan di per di dalla ruosna si tochen si el restaurant da panorama sil Tgom e sederschan silsuenter giu sur Sedrun per sblundergiar las fatschentas da suvenirs e lu puspei svanir danunder ch’els ein vegni? - Segir ei ch’il quitau dils Tuatschins per ina existenza andanta en in liug perifer e muntagnard stat adina el center da tuttas pusseivlas speculaziuns. En cumparegliaziun cun autras vischnauncas ha Tujetsch denton fetg bunas premissas. Mirar, sch’ils da Tujetsch vegnan da far quei pass el futur senza che la Val piardi siu caracter unic, sia bellezia e sia familiaritad.
17 Fragen - 16 Antworten
Das erste Hotel im Tal wurde vermutlich schon 1796 eröffnet. Trotzdem hat es lange gedauert, bis der Tourismus richtig Fuss gefasst hat. Das Skifahren ist erst um 1900 aufgekommen und bedeutete damals noch zu Fuss den Berg hochsteigen. Der erste Tellerskilift ist 1947 in Betrieb genommen worden und führte von Sontget hinauf bis zur Bahnlinie. Im Jahr 1956 ist der Sessellift Cungieri und 1959 der Skilift Calmut in Betrieb gesetzt worden. Von 1962 an ist das heutige Hauptskigebiet zwischen Dieni und dem Oberalppass nach und nach erschlossen worden. Das touristische Angebot beschränkt sich aber nicht nur auf den Wintersport. So sind im Jahr 1971 das Schwimmbad, im Jahr 1996 der Golfplatz Selva und im Jahr 2004 die Wellnessoase in Sedrun eröffnet worden.
Dies hätte man vielleicht noch sagen können, als eine Reise mit Pferd und Kutsche von Sedrun nach Chur noch einen ganzen Tag dauerte. Heute braucht man dafür mit dem Auto gut eine Stunde und mit der Bahn eine Stunde und fünfzig Minuten. Die wichtigste Verkehrsanbindung ist diejenige talabwärts Richtung Disentis und Chur. Die Route über den Oberalppass ist die kürzeste Verbindung in die Innerschweiz und auch nach Zürich, sie ist für den Autoverkehr im Winter aber gesperrt. Ins Tessin gelangt man am schnellsten über den Lukmanierpass. Mit dem Auto sind Luzern und Bellinzona im Sommer in gut einer Stunde erreichbar, Zürich in rund zwei und Bern in zweieinhalb Stunden.
Wie die Gemeinden Disentis, Medel, Sumvitg, Trun und Breil gehörte auch Tujetsch dem kirchlichen Feudalstaat des Klosters Disentis an. Die sieben Gemeinden der oberen Surselva bilden daher von alters her die CADI (casa da Diu - deutsch: Gotteshaus). Der Kreis Cadi wählt noch heute den „mistral" (Landammann), dem nunmehr vor allem Aufgaben der niederen Gerichtsbarkeit zukommen. Daneben werden auch die fünf Grossräte, die Vertreter der Cadi im Kantonsparlament, in den Kreiswahlen bestellt. Im Jahr 2000 ist die traditionelle Landsgemeinde auf dem „prau cumin" unterhalb des Klosters Disentis abgeschafft und durch die Urnenabstimmung ersetzt worden. Früher wurden alle wichtigen politischen und gerichtlichen Funktionen vom „cumin", also vom Kreis, wahrgenommen. Nach und nach, vor allem aber durch die Reformen von 1848 sind diese Gewalten auf die Gemeinden, auf den Bezirk und auf den Kanton übertragen worden.
Die Verhältnisse im Tal sind übersichtlich und man kennt einander. Es wird daher sehr direkt, ja bisweilen auch impulsiv politisiert. Die oberste Gewalt in der Gemeinde ist das Volk, welches seine politischen Funktionen in der Gemeindeversammlung oder an der Urne ausübt. Daneben nimmt auch der Gemeinderat mit seinen elf Mitgliedern Legislativaufgaben wahr. Exekutivorgan ist der fünfköpfige Gemeindevorstand unter der Leitung des Gemeindepräsidenten. Politische Parteien spielen auf Gemeindeebene keine Rolle, weshalb lokale Parteisektionen fehlen. Bis zur Mitte des 19. Jahrhunderts war Tujetsch eine Verwaltungseinheit, welche vor allem über Fragen der Landwirtschaft und der Armenhilfe zu beschliessen hatte. Die politische und gerichtliche Gewalt wurde vom Kreis Cadi ausgeübt.
Bis in den 50er Jahren war die Landwirtschaft der klar dominierende Wirtschaftsfaktor in der Gemeinde. Heute gibt es nur noch rund 20 Landwirtschaftsbetriebe. Alle Kühe, Schafe, Ziegen, Schweine und Hühner der Talschaft fänden heute problemlos ein Bett in einem Hotel oder in einer Ferienwohnung. Der Tourismus ist unterdessen zum wichtigsten Wirtschaftsfaktor geworden. Von den berufstätigen Taleinwohnern arbeiten 12.25 % im Primärsektor (Land- und Forstwirtschaft), 30.25 % im Sekundärsektor (Bau, produzierendes Gewerbe etc.) und 57.50 % im Tertiärsektor (Gastgewerbe, Handel, Verwaltung etc.). Einen nachhaltig positiven Einfluss auf die Wirtschaftsentwicklung hatte der Bau der zwei Stauseen und des Kraftwerkes Vorderrhein von 1955-1967. Heute ist die NEAT-Baustelle ein wichtiger Motor für die lokale und auch regionale Wirtschaft. Im Jahr 2006 arbeiteten rund 450 Leute auf der NEAT-Baustelle in Sedrun.
Die ersten Siedler haben sich wahrscheinlich nach der Gründung des Klosters Disentis im Verlauf des 8. Jahrhunderts im Tal niedergelassen. Sie kamen die Surselva bis nach Tujetsch hinauf. In einer zweiten Phase haben die Walser das Gebiet vom Wallis und vom Urserental her besiedelt. Dies geschah im Verlauf des 12. und 13. Jahrhunderts. Wenn die historischen Quellen verlässlich sind, hat die Pest in den Jahren 1556, 1568 und 1584 nur in Tujetsch 1600 Todesopfer gefordert. Diese Zahl erstaunt, wenn man bedenkt, dass nur etwa 800 Personen von der landwirtschaftlichen Produktion im Tal leben konnten. Seit Beginn des 20. Jahrhunderts ist die Bevölkerung stetig gewachsen. Im Jahr 1900 zählte die Gemeinde 810 Einwohner, im Jahr 1930 - 920, im Jahr 1950 - 1122, im Jahr 1960 - 1855 (einschliesslich Arbeiter beim Bau des Kraftwerkes Vorderrhein), im Jahr 1970 - 1273, im Jahr 1990 - 1357 und am 31. Dezember 2005 - 2005 Einwohner (einschliesslich 450 Arbeiter auf der NEAT-Baustelle).
Von den früher rund 66 Dörfern, Weilern und Höfen sind nur noch 11 verblieben. Die Weiler Giuv, Nacla, Canadal, Cavorgia-sura und Nislas sind gegen Ende des 18. Jahrhunderts aufgegeben worden. Aber auch heute noch haben die etwas abseits gelegenen Dörfer Tschamut, Selva und Cavorgia um ihren Weiterbestand zu kämpfen. Viele Häuser werden nur noch zu Ferienzwecken genutzt. Der Grossteil der Talbevölkerung lebt heute in Sedrun, Gionda und Camischolas sowie in Rueras, dort wo sich die Geschäfte, die Post, die Schulen, die Restaurants und weitere Infrastruktureinrichtungen befinden.
Tujetsch hat wie der übrige Teil der Cadi eine starke katholische Tradition. Dies ist vor allem dem Kloster Disentis zuzuschreiben, von wo aus das Gebiet christianisiert worden ist. Wahrscheinlich als Reaktion gegen die Reformation wurden im Verlauf des 17. Jahrhunderts fünf der insgesamt neun Kapellen errichtet und die Pfarrkirche in Sedrun erneuert. Die Frömmigkeit der Talbewohner zeigte sich auch in den grossen Wallfahrten über den Chrüzlipass nach Einsiedeln und über den Oberalppass bis auf den Gotthard. Diese Wallfahrten wurden bis anfangs des 19. Jahrhunderts durchgeführt, diejenige auf den Gotthardpass zuletzt 1827. Die Religion ist noch bis hinein ins 20. Jahrhundert ein prägender Gesellschaftsfaktor im Tal. Gemäss der letzten Volkszählung sind 87% der Bevölkerung katholisch.
Nein das nicht, jedoch hat man einen französischen Beirat einrichten und die Tricolore auf dem Kirchturm aushängen müssen, nachdem das Heer von Napoleon über den Oberalppass ins Tal einmarschiert war und die Surselva besetzt hatte. Der erste Einfall am 6. März 1799 hat in Tujetsch mehrere Todesopfer gefordert, konnte aber in Cons/Disentis zurückgeschlagen werden. In der Surselva wurden die Franzosen als recht- und gottlose Menschen betrachtet. Daher hatte man sich mit Österreich verbündet. Schon am 9. März 1799 haben die Einwohner der Surselva der französischen Übermacht aber nachgeben und die Waffen niederlegen müssen. Die Zeit der Besatzung hat von der Bevölkerung, welche für das eigene Überleben hart arbeiten musste, grosse Opfer abverlangt. Als Resultat dieser Turbulenzen hat Graubünden neue politische Strukturen erhalten und ist 1803 als einer der letzten Kantone in die schweizerische Eidgenossenschaft eingegliedert worden.
Von hundert Personen, die im Tal aufwachsen und die Schulen besuchen, bleibt kaum die Hälfte hier. Der beschränkte Arbeitsmarkt zwingt viele zur Abwanderung. Das war schon früher so. Zwischen 1835 und 1880 sind nicht weniger als 550 Personen aus dem Tal weggezogen, ein Viertel davon nach Amerika, der Rest in andere Regionen der Schweiz oder nach Deutschland. Noch bis anfangs des 20. Jahrhunderts sind Tujetscher Familien nach Amerika emigriert. Einige Ortsnamen haben die alten Siedler aus ihrer Heimat mitgenommen. So findet sich beispielsweise ein „Lake Badus" in South Dakota in den Vereinigten Staaten. Heute lassen sich die Leute, welche das Tal verlassen, mehrheitlich im Unterland nieder. Viele behalten eine enge Beziehung zu Tujetsch und kehren nach der Pensionierung teilweise wieder zurück.
Mit dem Bau des Elektrizitätswerkes Salins im Jahr 1918 konnte die Gemeinde erstmals mit Strom versorgt werden. Nach und nach sind die Kerzen und Petrollampen aus den Stuben verschwunden. Trotzdem ist Cavorgia erst 1957 mit Strom versorgt worden. Heute produzieren die gemeindeeigenen Anlagen von Strem und Giuv rund einen Drittel des im Tal benötigten Stromes. Gegenüber dem Autoverkehr scheinen die Tujetscher hingegen eher misstrauisch gewesen zu sein. Als die ersten Privatfahrzeuge nach der Aufhebung des kantonalen Fahrverbots im Jahr 1925 im Tal erschienen, soll ein Talbewohner gesagt haben: „Stinken tun sie, aber Mist gibt es keinen". Im Jahr 1934 kaufte sich der erste Einheimische ein Auto. Im Jahr 1952 wurde die Strasse durch das Dorf Sedrun asphaltiert. Das Frauenstimmrecht wurde auf Gemeindeebene 1972 eingeführt. Die erste Nutzungsplanung für die Gemeinde Tujetsch ist nach über fünfjähriger Vorbereitung im Jahr 1975 in Kraft getreten. Die Kläranlage ist 1986 in Betrieb genommen worden.
Bereits um 1920 sind in Tujetsch die ersten Ferienhäuser gebaut worden. Die Einheimischen nannten diese „villas" und noch heute wird das betreffende Gebiet in Niregl „orasi las villas" genannt. Der eigentliche Bauboom hat aber erst anfangs der 70er Jahre begonnen und dauert nahezu ununterbrochen bis auf den heutigen Tag an. Im Tal hat sich im Zusammenhang mit dem Bau und Verkauf von Ferienwohnungen eine eigentliche Wirtschaftsbranche entwickelt. Nebst Arbeit und Verdienst hat diese Entwicklung eine grosse Anzahl von Ferienwohnungen gebracht und dem Landschaftsbild nicht überall gut getan. Tujetsch hat einen Zweitwohnungsanteil von rund 50% bzw. rund 820 nur zeitweise benutzte Wohnungen.
Sicherlich findet sich kein Kino, kein Theater und kein Opernhaus in Tujetsch. Wer solche Angebote sucht, geht gerne einmal in die Stadt. Aber auch so ist es niemals langweilig im Tal. Nebst einer einmaligen Naturlandschaft und vielen Freizeitangeboten zählt Tujetsch über 30 Vereine mit den unterschiedlichsten Aktivitäten. Eine Leidenschaft vieler Tujetscher verdient aber besonders erwähnt zu werden. Es ist das Tarockspiel, oder wie es hier genannt wird das „dar troccas". Nebst den vier Spielfarben Schwert, Keule, Kelch und Rose gibt es 21 Tarockkarten und den Narren. Die Tarockkarten mit Bildern wie dem Tod, dem Teufel, der Gerechtigkeit und der Sonne haben beim Spiel eine ähnliche Rolle wie der Trumpf beim Jass. Die hohe Kunst des Spieles besteht im „risdar". Die Spieler dürfen dabei ihre Karten „verraten". Dies geschieht aber auf so subtile Weise, dass es nicht immer leicht ist, zwischen Bluff und Wahrheit zu unterscheiden.
Die Einwohner von Tujetsch und von Disentis sind gute Nachbarn. Trotzdem gibt es gewisse Animositäten. Neben Disentis, dem politischen und wirtschaftlichen Zentrum der Cadi, mochte Tujetsch früher noch etwas einfach und rückständig erscheinen. Der grosse wirtschaftliche Fortschritt im Tal hat Tujetsch inzwischen aber zu einem ebenbürtigen Partner gemacht und seinen Einwohnern ein starkes Selbstbewusstsein verliehen. Vor allem auf ihren Dialekt, für welchen sie viel verspottet wurden, sind sie heute besonders stolz. Wahrscheinlich ist es aber normal, dass Nachbarn sich gerne hänseln. Manchmal werden die Einwohner von Disentis deshalb in Tujetsch etwas abschätzig „Mustétgels" genannt. Aber auch die Einwohner des Val Medel müssen manch einen Witz über sich ergehen lassen. Ja selbst innerhalb der Gemeinde Tujetsch bestanden früher Spannungen, dies vor allem zwischen den Bewohnern von Sedrun und von Rueras.
Bisweilen wird von den Tujetschern gesagt, sie seien Dickschädel. Wenn dies den „Tavetscherschädel" ausmacht, gibt es ihn wohl noch heute. Ein Anthropologe will aber im Stirnknochen des Tujetschers eine zusätzliche Naht festgestellt haben. Die Entdeckung des „Tavetscherschädels" also ein Beweis dafür, dass die Tujetscher doch eine ganz besondere Rasse sind - sozusagen eine Metamorphose des homo sapiens zum homo sapiens tuatschiniensis? In der modernen Anthropologie wird der „Tavetscherschädel" nicht mehr beschrieben. Seine Existenz muss überhaupt in Frage gestellt werden und ist wohl dem Übereifer vieler Anthropologen zuzuschreiben, welche den Menschen gegen Ende des 19. Jahrhunderts bis hinein zum zweiten Weltkrieg nach Abstammung und Aussehen erfassen und einordnen wollten.
Erstaunlich welche gigantischen Haufen Material sich im Gebiet Drun, am Rande der Plauns Sedrun und im Val Bugnei hochtürmen. Die Maulwürfe, welche diese aus der Tiefe hinaufstossen, sind die Bergleute, die am Gotthard-Basistunnel arbeiten. Sedrun ist eine der insgesamt fünf NEAT-Baustellen. Von hier aus wird das „Tavetscher Zwischenmassiv", eine geologisch äusserst heikle Zone, durchstossen. Der Zugang zum Tunnelfuss erfolgt vom Inneren des Tgom über einen 800 m tiefen Senkrechtschacht. Die NEAT-Baustelle in Sedrun ist technisch spektakulär und zieht jedes Jahr mehrere Tausend Besucher an. Mit 57 km wird der Gotthard-Basistunnel der längste Eisenbahntunnel der Welt sein. Die Arbeiten haben 1996 begonnen. Der Tunnel soll im Jahr 2016 in Betrieb genommen werden - wenn der Berg gnädig ist.
Die Perspektive eines Zugangs vom Fuss des Gotthard-Basistunnels nach Sedrun - die Porta Alpina - weckt die Fantasie. Soll Tujetsch zu einer Alpenstadt werden, zum Wohnort hunderter Pendler, welche im Unterland arbeiten, oder zur Destination von Touristen aus aller Welt, welche sich tagtäglich durch das Loch empor zwängen bis zum Panoramarestaurant Tgom, um sich dann über Sedrun zu ergiessen, alle Souvenirläden zu plündern und dann wieder zu verschwinden, von wo sie gekommen sind? - Sicher ist, dass die Sorge der Tujetscher um eine angemessene Existenz in einer peripheren Gebirgsgemeinde immer im Zentrum aller Spekulationen steht. Verglichen mit anderen Gemeinden hat Tujetsch aber sehr gute Karten. Die Zukunft wird zeigen, ob die Tujetscher diesen Schritt in die Zukunft meistern, ohne dass das Tal seinen einmaligen Charakter, seine Schönheit und Familiarität verliert.