Condrau

Derivonza dils Condrau's da Tujetsch e Mustér
Igl emprem Condrau ch’ei staus en Tujetsch habitonts, fuva in Lezi Condrau, ch’era vegnius si da Breil; quel ha cumprau la casa ual sper casa parvenda a Rueras (ussa da Vigeli Monn); ei maridaus e secolocaus leu.

Lezi Condrau ha giu dus fegls:Giachen Antoni, ch’ei staus successur da siu bab ella medema casa e veva ina dunna Maria Barla Degonda, sora da sur Giachen Antoni Degonda, caplon a Sedrun ils onns dils Franzos.
Quels fuvan ils geniturs da sur Condrau.
In secund fegl da Lezi Condrau fuva Gion Pieder, ch’ ei ius a Selva ed ha maridau leuen Maria Catrina. Lur emprem fegl Martin Casper ha maridau Cristgina Riedi da Tschamut. Il secund fegl da Gion Pieder ei secolocaus sin Tschamut, Gion Bistgaun Condrau e maridau Onna Maria Riedi - han giu treis fegls; morts libers; ina feglia morta libra.
Fargliuns da sur Condrau fuvan:
Gion Fidel Condrau, tat da prof. Placi Condrau
Maria Ursula ha maridau Giachen Schmed (frar da Stiaffen Schmed Tschamut) e steva en casa ch’ei uss da  Jos. Loretz a Rueras.
Maria Barla Turte ha maridau statalter Duri Venzin
Sur Condrau ha pastorau igl emprem an Calanca - sia sora Turtè fuva leu cun el.

Arisguard sia mort vegn ei detg ch’el hagi giu dau a tuts da Rueras, radunai dador baselgia ensemen l’absolaziun generala avon la vegnida dils Franzos - in pur da Rueras, Paul della pun (che steva sper la punt) saveva franzos  ed hagi detg quei als Franzos, quei hagi grittentau els.

Notizias da pader Baseli Berther che sesanflan en Biblioteca romontscha en claustra a Mustér.
Copiadas da Tarcisi Hendry