Tschamut
Tschamut ei il vitg il pli el vest dil cantun Grischun. Questa part il pli sisum la val ei vegnida colonisada ed urbarisada da Gualsers neu dalla Val d’Ursera. Il num Z’mut 'sil crest' dat perdetga. Entras la claustra da Mustér han ils habitonts da Tschamut retschiert il privilegi d’ina atgna alp, l'Alp Tschamut. Pér igl onn 1866, suenter tractativas liungas e stentusas, ein ils da Tschamut s’uni cull’ulteriura vallada. La caplutta dil 15avel tschentaner ei dedicada a s. Clau ed ei stada ditg ina caplutta da hospezi. D’ina bellezia singulara ein ils entagls ed ornaments el plantschiu sura dalla caplutta.
Selva
Era quei vitg ha ragischs gualsras, ditg havev'el numnadamein num 'Selvaningen' ni 'Im Holz'. Selva ha giu da sbatter cun in tschuppel disgrazias, oravontut cun lavinas e fiug. Il barschament dil vitg da 1949 ha midau radicalmein il maletg dil vitg. Casas e clavaus ein vegni erigi cun agid e sustegn dall’entira populaziun svizra. La baselgia e la casa pervenda han retschiert in tetg cun plattas da crap. La baselgia nova ei dedicada a s.Gion evangelist e duront ils meins da stad survescha ella sco baselgia da pelegrinadi da Nossadunna.
Cun la construcziun dalla plazza da golf, in’ulteriura midada impurtonta, ei la cuntrada muntagnarda daventada ina purschida turistica.
Sutcrestas schai in tschancun el vest da Selva. Da 1853-1890, pia tochen ch'ins ha entschiet a baghegiar lavineras e plantar uaul ellas spundas sur Selva, ei Sutcrestas stau l’untgida pils da Selva duront igl unviern. A Sutcrestas, sin mesa via denter Tschamut e Selva, han ins era erigiu ina casa da scola. Ils onns 40 dil 20avel tschentaner han da quei da 40 affons dils dus vischinadis frequentau quella scola.
Dieni
Dieni ei igl emprem vitg ch’ins contonscha sch’ins vegn giu dil Pass Alpsu ed entuorn la storta da Sumsassi. Da cheu anora han ins ina bellezia vesta silla Val Tujetsch. Per l'emprema gada sepresenta la val en sia cumpleina ladezia.
Rueras
Il vitg da Rueras ei il secund grond vischinadi dalla val ed ha ina scola cun scoletta ed emprema e secunda classa primara. La baselgia dil vitg ei dedicada a s. Giachen e datescha dil 18avel tschentaner. Ella ha da gliez temps remplazzau ina caplutta ch’era vegnida erigida el 15avel tschentaner.
Oriundamein vegneva Rueras numnau 'Meierhof' ed era in bein dalla claustra da Mustér. Rueras ha giu da sbatter duas gadas cun catastrofas naturalas. Ils 6 da fevrer 1749, suenter ch'ei haveva neviu in’entira jamna, ein las duas lavinas dalla Pulanera e Val Milà sederschidas a val. Las lavinas han satrau 100 persunas e 327 animals. 62 persunas han anflau la mort quella notg. 23 casas, 39 nuegls, 5 mulins ed ina resgia vegnan destrui. Suenter ina tragedia semeglionta cun 23 unfrendas igl onn 1817, vegn in immens mir d’ustonza baghegiaus dadens il vitg da Rueras per proteger glieud ed animals dallas lavinas.
Zarcuns
La caplutta da Nossadunna e Gionet da Giuv ein ligiai cul vitget da Zarcuns. La detga raquenta che Nossadunna seigi cumparida 1622 a quei Gionet. La caplutta ei lu vegnida construida igl onn 1629. Remarcabels ein ils maletgs murals che muossan muments ord la veta da Jesus. Gest sper caplutta sesanfla ina casa construida en tipic stil dil Gottard.
Vid ina casa sisum il vitg penda ina crusch culs requisits dalla crucifigaziun da Jesus. Ella regorda als gidonters ch'eran semess sin via encunter Rueras igl onn 1749 per vegnir en agid allas unfrendas dallas lavinas e ch'eran sezs vegni satrai d'ina lavina, dalla lavina dall’Ondadusa.
Camischolas
La caplutta da s. Onna cun siu altar gotic e maletgs egl arviul dil chor vegn documentada 1517 per l'emprema gada. Il barschament dil vitg il di da s. Placi (11.7.) digl onn 1822 ha destruiu quei sanctuari ed igl entir vitg. La restauraziun dalla caplutta igl onn 1997 ha purtau alla glisch ils maletgs egl arviul dil chor. Muort il svilup turistic ei il vitg carschius ils davos onns per liung dalla via principala ed aschia s'unius cun Gionda.
Sedrun e Gionda
Sedrun ei staus periclitaus da vegl enneu da bovas giu dil Drun. Perquei era il num Sedrun, pli baul Surdragun (1483), che munta ton sco sin il dargun. Ferton ch'il num Rueras, dil tudestg 'Rüfe', ei da derivonza tudestga (gualsra), ei il num Sedrun pia da derivonza romontscha. Cheu ves'ins pia bein il cunfin linguistic.
Sedrun ei oz la capitala dalla Val Tujetsch. Il vitg vegn dividius entras il dargun Drun en las duas parts Sedrun e Gionda. A Gionda sesanflan oz la 'Tgèsa communala’, la scola e la plazza da sport Dulezi; a Sedrun la baselgia parochiala, il ‘Museum La Truaisch’, l’oasa da wellness e la posta.
Baselgia s. Vigeli a Sedrun
Quella baselgia che sesanfla agl ur dil vitg, survescha sco baselgia principala. Quei fatg documentescha era il santeri che sesanfla giusut il sanctuari, il santeri per l’entira vallada.
La baselgia ei dedicada a s. Vigeli, il renomau uestg da Trient, che ha viviu el quart tschentaner e che ha cristianisau grondas parts dallas valladas el nord dall’Italia.
Igl onn 1205 ei l’emprema baselgia en Tujetsch vegnida consecrada. La baselgia dad oz ei vegnida erigida ils onns 1691/92. 1703 ein ils altars vegni terminai e consecrai. La baselgia impona entras sias excellentas proporziuns ed oravontut entras ses altars dil temps baroc. Quels altars derivan dil luvratori da Johannes Ritz (Valleis). Igl altar grond ei ina preziusa ovra dil ‘meister’ sez, ils dus altars laterals ovras da ses dus fegls.
Il clutger da 42 meters ei aunc pli vegls. Avon il 17avel tschentaner sesanflava la baselgia numnadamein el vest da quei clutger. Pervia dil Drun han ins la finala baghegiau la baselgia egl ost dil clutger. Aschia eis ei sedau ch'il clutger ei oz gest sper l'entrada dalla baselgia.
Bugnei
Bugnei ei il davos vitg, tras il qual ins passa avon che bandunar la vischnaunca da Tujetsch en direcziun da Mustér. Il patrun dalla caplutta ei s. Giusep. El 19avel tschentaner existeva a Bugnei ina pintga fabrica da vischala da tiaracotga. Quella vegneva menada da Sep Antoni Deragisch, numnaus il “Hafner”. Fotos!
Surrein
Surrein vegn da 'sul Rein'. L'ucliva da Foppas s'auda era tier Surrein. Pli baul fuvan era Nacla, Sax e Canadal habitai. S. Antoni ei il patrun dalla caplutta ch’ei vegnida dislocada 1927 giu da Foppas el liug actual, gest amiez las duas parts dil vitg.
A Foppas/Surrein sesanfla in fuorn da paun ch’ei vegnius reconstruius igl onn 1997.
Cavorgia
Il secund uclaun da vart dretga dalla val ei Cavorgia. El ei il vitg il pli bass situau da l'entira val. El Plaun S. Leci sesanfla la caplutta dedicada al sogn numnau. Da Cavorgia anora meina ina biala via da spassegiar si sur Stagias ella Val Medel ni giu Mompé Medel.
Tschamut
Tschamut ist das Dorf, das am weitesten im Westen des Kantons Graubünden liegt. Dieser oberste Teil des Tales wurde durch vom Urserental eingewanderte Walser besiedelt und erschlossen. Der Name Z’mut 'auf dem Hügel' zeugt von dieser Herkunft. Durch das Kloster Disentis bekamen die Einwohner von Tschamut das Privileg einer eigenen Alp, der Alp Tschamut. Erst im Jahr 1866, nach langen und zähen Verhandlungen, schlossen sich die Tschamutter dem übrigen Tal an. Die Kapelle aus dem 15. Jahrhundert ist dem heiligen Nikolaus gewidmet und war lange eine Hospizkapelle. Bewundernswert sind die Schnitzereien und die Verzierungen im Kapellengewölbe.
Selva
Auch dieses Dorf hat walserische Wurzeln, lange hiess es nämlich 'Selvaningen' oder 'Im Holz'. Selva hatte mit mehreren Unglücksfallen zu kämpfen, vor allem mit Lawinenniedergängen und Feuersbrünsten. Der Dorfbrand von 1949 hat das Erscheinungsbild des Dorfes radikal verändert. Häuser und Ställe wurden mit Hilfe und Unterstützung der ganzen Schweizer Bevölkerung wieder aufgebaut. Kirche- und Pfarrhausdach bekamen ein Steinplattendach. Die neue Kirche ist dem heiligen Johannes dem Evangelisten gewidmet und während der Sommermonate dient sie als Wallfahrtskirche der Muttergottes.
Durch die Errichtung des Golfplatzes, ein weiterer wichtiger Wendepunkt, wurde die Berglandschaft zu einer touristisch genutzten Landschaft.
Sutcrestas liegt ein Stück weit westlich von Selva. Von 1853-1890, also bis man begann Lawinenverbauungen zu bauen und die Hänge oberhalb Selva zu bewalden, war es im Winter Zufluchtsort der Bewohner von Selva. In Sutcrestas, auf halbem Weg zwischen Tschamut und Selva, wurde ebenfalls ein Schulhaus erbaut. In den vierziger Jahren des 20. Jahrhunderts besuchten ungefähr 40 Schulkinder aus beiden Dörfern diese Schule.
Dieni
Dieni ist das erste Dorf, welches man erreicht, wenn man vom Oberalppass und um die Kurve von Sumsassi kommt. Hier hat man eine wunderbare Aussicht auf das Tujetsch. Zum ersten Mal zeigt sich das Tal in seiner gesamten Breite.
Rueras
Das Dorf Rueras ist die zweitgrösste Fraktion des Tales und hat eine Schule mit Kindergarten und erster und zweiter Primarklasse. Die Dorfkirche ist dem heiligen Jakob gewidmet und datiert aus dem 18. Jahrhundert. Sie ersetzte damals eine Kapelle, welche im 15. Jahrhundert errichtet worden war.
Ursprünglich hiess Rueras 'Meierhof' und war ein Gut des Klosters Disentis. Rueras wurde zwei Mal von Umweltkatastrophen heimgesucht. Am 6. Februar 1749, nachdem es eine Woche lang geschneit hatte, donnerten die beiden Lawinen der Pulanera und der Val Milà ins Tal. Die Lawinen begruben 100 Personen und 327 Tiere. 62 Personen fanden in jener Nacht den Tod. 23 Häuser, 39 Ställe, 5 Mühlen und eine Sägerei wurden zerstört. Nach einer ähnlichen Tragödie im Jahr 1817 mit 23 Opfern wurde im Westen des Dorfes ein grosser Damm errichtet, um Leute und Tiere vor den Lawinen zu schützen.
Zarcuns
Die Kapelle der heiligen Muttergottes und Gionet von Giuv sind mit dem Weiler Zarcuns eng verbunden. Die Sage erzählt, dass 1622 die Muttergottes eben diesem Gionet erschienen sei. Die Kapelle wurde dann im Jahr 1629 erbaut. Bemerkenswert sind die Wandgemälde, welche Augenblicke aus dem Leben von Jesus festhalten. Just neben der Kapelle befindet sich ein Haus, welches im typischen Gotthardstil erbaut wurde.
An einem Haus oben im Dorf hängt ein Kreuz mit den Requisiten der Kreuzigung Jesu. Es erinnert an die Helfer, die sich im Jahre 1749 auf den Weg nach Rueras gemacht hatten, um den Lawinenopfern zu Hilfe zu kommen, und dabei selbst von einer Lawine, von der Lawine von l’Ondadusa, begraben wurden.
Camischolas
Die Kapelle der hl. Anna mit ihrem gotischen Altar und Abbildungen im Gewölbe des Kirchenchores wird 1517 zum ersten Mal urkundlich erwähnt. Der Dorfbrand am Tag des heiligen Placidus (11.7.) des Jahres 1822 zerstörte dieses Gotteshaus und das ganze Dorf. Die Restaurierung der Kapelle im Jahr 1997 förderte die Bilder im Gewölbe des Chores zu Tage. Durch die touristische Entwicklung ist das Dorf entlang der Hauptstrasse in den letzten Jahren stark gewachsen und hat sich so mit Gionda vereinigt.
Sedrun und Gionda
Sedrun war von jeher von Rüfen vom Drun bedroht. Daher auch der Name Sedrun, früher Surdragun (1483), was soviel bedeutet wie 'sin il dargun' (auf dem Wildbach). Während der Name Rueras, vom deutschen 'Rüfe', deutschen (walserischen) Ursprungs ist, ist der Name Sedrun rätoromanischen Ursprungs. Wir sehen hier also schön die Sprachgrenze.
Sedrun ist heute der Hauptort des Tujetsch. Das Dorf wird durch den Wildbach Drun in die zwei Teile Sedrun und Gionda unterteilt. In Gionda befindet sich heute das Gemeindehaus, das Schulhaus und der Sportplatz Dulezi; in Sedrun die Pfarrkirche, das Museum La Truaisch, die Wellnessoase und die Post.
Kirche Sankt Vigilius in Sedrun
Diese am Rande des Dorfes gelegene Kirche ist die Hauptkirche der ganzen Talschaft. Ebenso ist der Friedhof, der unterhalb der Kirche angelegt ist, der Friedhof des ganzen Tales.
Die Kirche ist dem heiligen Vigilius, dem berühmten Bischof von Trient, der im 4. Jahrhundert lebte und die Einwohner der Täler im Norden Italiens zum christlichen Glauben führte, gewidmet.
Im Jahr 1205 wurde die erste Kirche im Tujetsch eingeweiht. Die heutige Kirche wurde in den Jahren 1691/1692 erbaut. 1703 wurden die Altäre beendet und geweiht. Die Kirche beeindruckt durch ihre exzellenten Proportionen und vor allem durch die Altäre aus der Zeit des Barock. Die Altäre stammen aus der Werkstatt von Johannes Ritz aus dem Kanton Wallis. Der Hauptaltar ist ein wertvolles Werk des Meisters selber, die beiden Seitenaltäre Werke seiner beiden Söhne.
Der Kirchturm mit einer Höhe von 42 Metern ist noch älter. Vor dem 17. Jahrhundert befand sich die Kirche nämlich im Westen dieses Turmes. Wegen des Drun hat man die Kirche schliesslich im Osten des Turmes errichtet. So hat es sich ergeben, dass der Turm heute gerade neben dem Eingang der Kirche steht.
Bugnei
Bugnei ist das letzte Dorf, das man durchfährt, bevor man die Gemeinde Tujetsch in Richtung Disentis verlässt. Der Patron der Kapelle ist der heilige Joseph. Im 19. Jahrhundert gab es in Bugnei eine kleine Tongeschirrfabrik. Diese wurde von Sep Antoni Deragisch, auch der “Hafner” genannt, geführt.
Surrein
Surrein kommt von 'sul Rein' (über den Rhein). Die Fraktion Foppas gehört auch zu Surrein. Früher waren auch Nacla, Sax und Canadal bewohnt. Der hl. Antonius ist der Patron der Kapelle, welche im Jahr 1927 von Foppas an ihren heutigen Standort, in der Mitte zwischen den zwei Dorfteilen, verlegt wurde.
In Foppas/Surrein gibt es einen Brotbackofen, der im Jahr 1997 rekonstruiert worden ist.
Cavorgia
Der zweite Weiler auf der rechten Talseite ist Cavorgia. Es ist das am tiefsten gelegene Dorf des ganzen Tales. In der Ebene 'Plaun Sogn Leci' befindet sich die Kapelle, die dem besagten Heiligen gewidmet ist. Von Cavorgia aus führt ein schöner Spazierweg über Stagias in die Val Medel oder hinunter nach Mompé Medel.