Arcun da scola

Mes scolars e mias scolaras ella secunda classa 1974/1975

Tscheiver 2014 (miurs)
Emprem di da scola 2006
Scena cun Valerio ed Anna-Lea, Nadal 2013
Tscheiver 2014 (extract ord il film da M.Konrad)
En scola 2014 (extract ord il film da M.Konrad)
Mes onns da scola

Mes scolars e mias scolaras dil davos onn da scola 2013/14

Sur tuts onns ora hai jeu teniu si las annunzias dils geniturs. Ellas pon ussa silpli delectar e far surrir. Denteren sesanflan era caussas screttas da scolars ni scolaras.

Fuss ei pusseivel che D. stuess buca far damaun bogn, cunquei ch’ella ei ualti encunauras e tuos. Engraziel M.

Preziau Tarcisi. La R. ha buca pudiu far ils pensums. Ella ha stuiu render di e notg. Jeu fetschel far els sur dumengia. Salids A.

Cio Tarcisi, lessel mo far attenta tei che D. ha puspei la febra de fein e che quella mudregia el zun fetg. Cu el ha quella febra eis el pli sensibels e malruasseivels. Bien engraziament per Tia capientscha. Cordials salids A.

Jeu haiel fatg far ina nova pagina! Igl emprem ha ella scret silla fallida lingia, suenter ha ella fatg tschuf cun la detta. Salids R.

Il R. lein nus buca schar ira a far bogn muort la tuos. Salids L.

Lieber Tarcisi, A. kommt heute nicht in die Schule. Er klagte über Bauchschmerzen und hatte eine fast schlaflose Nacht. Gruss S.

Damaun, venderdis suentermiezdi sto D. ir tier il dentist, aschia che stos prender ella ord scola, salids M.

Preziau Tarcisi, il G. era empau maldisposts ed aschia eis ei buca stau pusseivel da leger avunda. Per Tia capientscha bien engraziament e salids A.

Lieber Tarcisi. Wegen erbrechen und Fieber kommt A. heute nicht in die Schule. Aufgaben kann M. mit nach Hause nehmen. Gruss S.

Bien di Tarcisi, la P. ha giu mal las ureglias e lu pli bugen buca ir a far bogn. Salids ed engraziel M.

Preziau Tarcisi, jeu sundel buca vegnida da mussar igl amuleins dad otg diltut. Havein fatg mo tochen sis. Il rest muossel il venderdis. Per Tia capientscha engraziel fetg. Cordials salids A.

Damaun suentermiezdi ha D. termin tier il dentist. Jeu giavischel aunc ina biala fiasta da Nadal e tut bien pigl niev onn. Salids M.

La R. ha ina angina e sto prender penicillin. Ella astga buc aunc ir a far bogn. Salids A.

Ciao Tarcisi. Cunquei ch’ei era ier sera memia tard da telefonar lessel dir a Ti sin quella via in giavisch che haiel. Fai aschi bien e lai buca vegnir ora ch’il D. va a judo. Daco? Haiel annunziau el per far judo per emprender disciplina etc. e sch’el vegn ensemen cun quels da sia classa p.ex. G. etc. ein mias breigias pil tenti, lu haiel puspei leu ils medems teaters sco tier la N. Sperel che Ti capeschas miu giavisch. Bien engraziament e salids A.

Lieber Tarcisi, U. hatte schon die ganze Linie 3er geschrieben, als er bemerkte, dass e 2er schreiben sollte. Ich hab ihm gesagt, er soll es so lassen und da 2er schreiben wo Du eine 3er Linie wolltest. Bitte nicht mit U., sondern mit mir schimpfen. C.

Lieber Tarcisi, wir haben grosse Mühe gehabt mit der Rechnerei. Geschrieben ist es – aber kapiert noch lange nicht …. Wir hoffen, den Knopf bis nach den Ferien lösen zu können. Danke für dein Engagement und auch Dir schöne, erholsame Ferien. Herzlich A.

Preziau Tarcisi, ier ha igl A. giu ina stremblida dil tschurvi (Gehirnerschütterung). Jeu supplicheschel da buca far fa gimnastica. Cordials salids L.

Preziau scolast Tarcisi. U. ist heute morgen schwindelig gewesen, falls es ihm später besser geht, schicke ich ihn von der zweiten Stunde an zur Schule, ansonsten gebe ich dir nach dem Mittag noch ein Telefon. C.

Preziau Tarcisi. Il stilofgraf scriva veramein buca pli. Sche Ti has aunc in niev, fussel leda sche Ti vendesses aunc in. Il J. sa lu purtar ils daners. Salids R.

Hallo scolast, Ti eis veramein in pulit scolast. Jeu lessel dir a Ti engraziel fetg per tut quei che ti has mussau a mi. Jeu sperel ils creflis gustan a Ti. Jeu vegnel il pli bugen tier tei a scola. Ti eis era buca aschi stregns. Jeu haiel bugen tei. Salids Tia scolara A.

Il M. ha tuos ed ei encunauras. Ei meglier per quella gada de buca far bogn. Salids M.

Preziau, la R. ei stada ier sera empau maldisposta ed ha buca fatg aschi intensiv il pensum da leger e raquintar. Cordials salids B.

D. ei ruclaus dad ir cun velo e sgurgnau giu il dies. Salids J.

G. ha fatg ina ruosna el tgau ed ha stuiu schar cuser quella. Suppl. da dispensar ella da far bogn e gimnastica per ina jamna, salids G.

Tschau Tarcisi, cunquei che S. ha in tec temperatura e tuoscha sa ella buca vegnir a far bogn. Cordials salids A.

Preziau Tarcisi. J. ha mail il venter; damaun duess ella saver vegnir a scola probablamein. Savesses ti scriver sin in cedel tut la lavur che vus veis fatg e dar alla L. Bials salids G.

Preziau Tarcisi, J. ei malsauna, ella ei stuorna e ha mal il culiez. Oz sa ella buca far pensums, forsa damaun. Jeu sperel sin vossa capientscha. G.

Preziau Tarcisi, jeu hai fatg ina confusiun culs dis! Perquei ei J. ussa tard. Perstgisai! Mo nus havein fatg bia lavur culs plaids. Bials salids. G.

S. ha mal il magun. Astga buca ir a far bogn. Cun salids e bien engraziament L.

Fagesses aschi bien e desses in cedel cun si tgei quens che il M. ha da far. Ed era co ins fa els. Sas el lai dir nuot e lai buca mussar. Bien engraziament L.

Preziau scolast, jeu mondel damaun culs affons a Lucerna tier gl’opticher. Fuss ei pusseivel che la J. vegn ord scola allas 11 uras? Mo sch’il Pass Alpsu ei aviarts. Speronza essas d’accord. Bials salids G.

Per la R. fuss ei meglier da schar da far gimnastica. Ella ha aunc ina ferma tuos. B.

Per cass che S. selamenta da mal il venter, lai buca vegnir a far bogn el. Cun salids e bien engraziament L.

Duesses far aschi bien e buca far siglir il M. ell’aua. Quel tema aschi fetg. Haiel adina miseria da far ira el a scola cura che meis a far bogn. Salids M.

Preziau Tarcisi, jeu hai emblidau da scriver avonmiezdi che J. ha mal en culiez e fa buca bogn. Engraziel per tia capientscha. Jeu giavischel bialas vacanzas. G.

Bien di scolast Tarcisi. Jeu haiel tarmess igl A.  baul a scola, mo lai el en scola tochen las 11:45, perquei che el sto ira giu Glion tier il dentist. Allas 3 uras suentermiezdi duess el vegnir a casa sche ei va. Cordials salids, bien engraziament per tut. Aunc enzatgei, savesses Ti far aschi bien e dar al G. 2 – 3 ridas, mo pintgas per si en stalla da scriver sin las tablas. Engraziel fetg. Dieus paghi. Salids G., P. ed M.
Tschau scolast Tarcisi, jeu sundel buca vegnida da schar leger igl A., haiel giu dad ira a gidar en cuschina ils sameritans 5:45 entochen 10:00 a casa e lu haiel durmiu tard ed oz haiel durmiu ora. Perduna neve ed in grond Dieus paghi per tut. Salids M.
Tgau Tarcisi. C. ei stada oz giu Cuera tier miedi dad egls. Cunquei ch’ella ha stuiu schar metter en daguots ha ella buca saviu far tut ils pensums questa sera (leger e scriver plaids). Sperel per capientscha. Salids A.
Car scolast. Ti eis il pli pulit scolast sil mund. Ti gidas tuts ils scolars tgi che ha problems. Ti gidas bunamein adina mei. Era oz has Ti mussau a nus enzatgei fetg interessant. Fetg bials salids da J.
Car scolast. Il bab era ius giu cun la mumma ier e lu havevel jeu buca saviu far tuts pensums. Cars salids A.
Car scolast. Vus vevas empermess a mi che nus legin la historia da mei. E quella historia ei ina cumplicada ed jeu capeschel bunamein nuot, quei di il bab era. Ier ha il bab detg quei. Cars salids F.
Haiel stuiu ir a luvrar e perquei astga R. forsa star en scola tochen las 4. Salids F. e tatta.
Tschau bien di, jeu lessel far endamen che damaun venderdis ha igl A. da ira tier miedi dad egls. Grond Dieus paghi, tut bien. Salids G., P. ed M.
Car scolast, A. ed jeu havein in problem. Nus stuein tgisar J., schiglioc havein nus in grond problem. Adina cu nus mein a casa ensemen, vilenta J. nus. El sieta bottas e quei fa mal. „Bitte“ resda inaga cun J. Cars salids A.
Nus supplichein da dar liber all’A. damaun naven dallas 11.00 h, per ir suenter bara al padrin ed aug dalla mumma. Grazia fetg M.
Tschau bien Tarcisi, igl A. sa buca far bogn, neve! Cordials salids, G., P. e M.

Bien di scolast Tarcisi. La sonda vargada havein nus giu in pign accident cun la maschina da cargar fein cun il buob F. dalla sora da G. Igl A. ha pigliau gronda tema. El greva per la sera: miu bab, miu bab sempo buca da quei. Il F. ha buca grad fatg per camond al bab. forsa vegn el ad esser in tec gnarvus. Haiel vuliu dir quei a Ti. Nus lessan engraziar, Dieus paghi melli, melli gadas per tut Bien, cordials salids G., A., P. e M.

Tschau scoalst Tarcisi, astgass igl A. purtar la crusch. Quei ei ina cusrina dil bab G.A. Nus lessan aunc inaga engraziar per tut bien che fas cun nies A. Cordials salids G., P. e M.
Car scolast Tarcisi, fagessas aschi bien ni tgei manegias. Savesses dar a mi in pupi che el savess scriver sur dumengia a casa sco „ina“ ni „iua“. El ha empau difficultads cun scriver ensemen, ni tgei manegias? Sas mo trenar empau. Jeu engraziel fetg, Dieus paghi. Giavischel biala dumengia ed in bien seveser. Salids G. e M.
Haiel rut ora in esch. A. M. da S., casa 31 S.

Tschau scolast Tarcisi, igl A. ha giu gliendisdis vargau 31.10.88 ina virola. Jeu sai buca sch’el sto ver ussa. Quei sas Ti forsa. In grond Dieus paghi per tut. Salids G., P. e M.

Car scolast, Ti eis il pli flot scolast. Ti dias perquei adina gie e das si paucs pensums. Stai vinavon aschia OK. Ti eis pli flots ch’ils scolast H. Perquei lez era bia pli stregns. Salids A. e F.
Hallo scolast. Ti eis adina aschi „fisic“ e fas adina mo quei ch’ils buobs lessan far e sche nus stuschein buca ils bauns, lu fagein nus bia pli da tup, sche Ti vuls prender dapart nus.“Soviso“ gliez vegnas ti buca da far e sche nus essan enzanua auter cul baun, lu vegnin nus ina jamna buca pli a scola ed jeu lessel far midar auter ils bauns e quei ei buca „feer“. E vus essas stai dapi ussa in pulit e naven da ussa essas vus buca pli pulits. Salids A. e F.
Car scolast, nus vulevan buca scriver aschi nausch e rumper a Ti il cor. „Bitte“ perduna a nus, nus essan aschi trestas. Ti ei il pli flot scolast. Perdunas a nus? Cars salids A. e F.