(TschamutConcernent fatgs publics e politics apparteneva Tschamut a Tujetsch, mo concernent fatgs interns d’economia era Tschamut in uclaun independent, ina societad agrara autonoma. - Ils da Tschamut ein vegni igl onn 1398 proprietaris dall’Alp Tschamut. Buca igl uclaun gauda l’alp, mobein quels, la glieud da Tschamut “der lüten uff Schamuot, die das sesshaft sinndt, die honndt huss und hoff.” Els, quels da Tschamut, pagan l’alp feudala alla claustra.

Entuorn 1200 entscheiva l'imigraziun dils Gualsers sul Pass Alpsu ella part su dalla Surselva. Staziun finala ein buca mo Rueras e contuorn. Ina gruppa da colonists secollochescha a Tschamut sin 1650 meters sur mar. Ord il Zmut daventa plitard il Tschamut. Probabel succeda la colonisaziun era cheu en pliras etappas, oravontut el 13 e 14avel tschentaner, suenter la pesta da1350 sin la vart seniastra tochen Zarcuns.

La cuntrada denter il Calmut ed il Pez Cavradi s'auda alla claustra da Mustér. Tochen sin 2300 serasa igl uaul. Ils colonists semettan alla lavur dad urbarisar plauns e spundas. Aschia survegnan els tiara cultivabla e retscheivan gl'entir territori sco emprest digl avat dalla claustra. En egl alla claustra steva secapescha era la tgira dalla senda sul pass. La confirmaziun succeda pli tard cun in document, vegn denton nudada el cudisch d'emprests dalla claustra.

Dira e zaia lavur da runcar mida la cuntrada en beins, praus e pastiras. Tschentaners gauden ils habitonts da Tschamut ina posiziun speciala da dretg. Vischins senumnan els, ils possessurs da casas cun agen fiug. L'alp ch'els han medemamein runcau ed administreschan a moda gualsra, obtegn negin num special. Quella s'auda a lur vitg, ei semplamein sia alp. Ils d'ordvart numnan ella secapescha Alp Tschamut

Alla fin dil 14avel  astg'ins supponer ch'ils vischins da Tschamut supplicheschien gl'avat per ina brev feudala. Els retscheivan la brev che documentescha ina situaziun gia daditg sancziunada. Las cundiziuns vegnan buca ad esser semidadas enviers  la claustra. La pergameina originala ei naven da lu il mussament dall'alp feudala. Avat e convent vegnan a ver confirmau bugen las relaziuns. La dependenza da lur alp ligia ils Tschamuters vid lur vitg ed alp ed impedescha els da serender giu el vonn dalla Val Tujetsch.

Cun la formulaziun "Dytz sindt die rechtung" ei la brev formulada subjectivamein. Per alla fin dil document ein els enconuschents, numnadamein igl avat Johannes e covent dalla claustra da Mustér.

"Dytz sindt die rechtung der lüten uff Schamuot, die das sesshaft sinndt, die honndt huss und hoff, aker und wyssen und al ir Nachkomenn, dz die söndt unss und unnsrenn gotzhusz und unnssrenn nahkommen jarlichenn gebenn von der alpe wegenn, die stost an einenn thail zuo an die alp, die da Maigels genamt ist, und die halb stosset an dz wasser, dz da runenn ist vonn der alpenn Maigelss inn die gueter Muelimat, und den andrent zuo stost an dem Wasser, dz da rindt zuwischen der thallütenn almaine und derselbenn alpenn.
    Undt sondt unnss die genamtenn vonn Schamuoten alle jar jarlichenn von der alpen daselb richten werenn vier schilling an werdt kessenn inn unnssrenn gotzhuss ze Tissendis, uff sanct Martiss tag aldt aber darnach in den nochstenn aht tagen, an gfferdt inn unssren hoff.
    Thetenn sy dz nit, darfür got sy, so sondt wir, alss unnsser nachkomenn, alss unssrenn boten an unssren statt von unser wegen den bluomen angriffenn, wa es unss aler füglichst ist, der uff denn vorgenamten lütenn von Schamuoten und allen irenn Erben und nachkomenn gueter je gewachsen ist. Und sondt wir die schetzenn nach des Landtrecht ze Tissindiss für zwyfalti phender. Lössendt sy die nüt nach des Landtz recht, so sondt unss dei egeschribnen pffender, alss si ie geschetzt sint, gäntzlich gefallenn sin für unsser Eygenn.
    Wöli aber under den egenamtenn von Schmuot ir Erben und nachkomenn angriffenn würdenn vonn dess vorgenamten Zinss wegen, es sig einer oder mer, sölenn inn die andrenn, alss vorbeschaidenn ist, die lüt von Schamuoten, ir erbenn und nachkomenn sy von schadenn gäntzlich wyssenn um ir thail.
    Ess solenn ouch zuo der alpenn vorgenannt niemandt Recht habenn, noch sy niessenn, als vorgeschibenn ist, den die lüt, die ie den uff Schamuoten hüss und hoff hondt und güter, die sesshafft sindt jar und tag.
    Die eygenn vonn Schamuotenn und ir Erbenn und nachkomenn sondt ouch mit irem veh nüt mer waidtenn noch kainenn schaden thun inn unssrenn maierhoff zuo Sengess jn den oberzehendtenn, wan si ie ze ssant Platziss tag ze merht ald da uonn farenn.
    Und zuo glicher wyss alss disser brieff stat, also habenn ouch die herenn von Tissindiss inn irenn Rodlenn ein abgschryfft der obgeschribnenn Rechtung fundten.
    Wir Johaness von Gotess gnadtenn Apt unnd unssrenn Koffendt des Gotzhus Tissindis für uns und unssrenn nachkommen mit den egenamten von Schmuot und all ir erbenn und nachkomenn durch unsers Gotzhuss nutz wegenn lieblich und früntlich überein komenn. Und dess zu vester sicherhait und warer Urkunt ist dysser brieff gebenn mit der Apty und ouch des Couendtz ze Tissindis ann hangtenn Insigel.
    Ditz beschah unnd wardt der Brieff gebenn do man zalt von Kristus unsserss liebenn herenn geburt dritzehen hundtert aht und nünetzig jren an dem nächsten dunstag nach dem heiligenn Ostertag.


    Item der ernüwrat ist durch verblichenn handt im jar 1543 mit gunst, rat, wyssen und wylle Pauli N. abt dess würdigen gotzhuss Tissentiss und Junker Jacob von Sagx, derzit Landt Aman zu Tissindiss, und gemain rat.
    Von mir Hanss Florin von Schamuot, Geschworener Landtschriber zuo Tissindis."

Renovaziun dil document dils da Tschamut pertuccont las obligaziuns enviers la claustra igl onn 1543. Sigilader: Avat Paul Nicolai (1538-1551), giuncher Jacob da Sax, mistral dalla Cadi e cussegl.
                                Hanss Florin da Schamuot, gerau e scarvon dalla Cadi

Declaronzas
Rechtung     mediaziun d'ina carplina entras ina cunvegnientscha
Muelimat   Prau Mulins, el vest da Tschamut
sanct Martiss tag   sogn Martin, ils 11 da november, en general il termin da pagar ils tscheins
Allmend...............   pastira da diever communabel
aker   il mussament dalla cultivaziun da graun sin 1650-1700 m sur mar.
merht   ils da Tschamut che van mintgamai da sogn Placi a marcau ni retuornan da quel, astgan buca schar pascular lur animals leu sil bein dil migiur claustral. Beienqualin setenva si leu per discuorer cul migiur dalla claustra.
heren          sut "heren von Tissentis" ein buca mo da capir igl avat ed il convent, mobein era il migiur dalla claustra a Segnas
rodlenn   rodel, register dils tscheins ed auters dretgs da possess, cudisch da tscheins
Jacob de Sax   mistral dalla Cadi (1541-1545) e (1552-1554) e landrehter dalla Ligia Grischa
Hans de Florin   scarvon e mistral dalla Cadi (1549) e (1557), landrehter dalla Ligia Grischa, guvernatur dalla claustra

Igl original da 1398 maunca. Original da 1543 legalisada copia da 1398, Archiv communal Tujetsch nr. 8; pergameina 38 x 17 cm; dus sigils da tschera pendan: Avat Paul Nicolai, sigil rodund; sigil dil cussegl da cumin, oval.
Copia da mistral Cristian Valentin Beer igl onn 1808. In exemplar egl Archiv communal Tujetsch sco aschunta da nr. 8.

1398

Remarcas
Ella brev maunca deplorablamein ina clara denominaziun dil feudum. Quei ha surmenau Giachen Casper Muoth e Rudolf von Hess-Castelberg d'anflar in num per l'alp. IglAlp Tachamut Num emprem ei sedecidius per Suegen ed il secund schizun per Oregeny, omisdus nums da fantasia. Ina egliada ella sopida da 1808 da mistral Cristian Valentin Beer vess tunschiu. Leu stat ei claramein "von der alpe wegenn die". Ils cunfins definai exclaudan tuts dubis. L'Alp Tschamut schai el vest digl uclaun cul medem num. Dapi la construcziun dalla via da Curnera eis ella tagliada empermiez. Deplorablamein ei la fallida interpretaziun vegnida duvrada en autras publicaziuns, aschia tier Martin Bundi, Besiedlung,  cudisch da Tujetsch (Tarcisi Hendry part historia) e Rizzi.

Per cass che la glieud da Tschamut furneschan buca il tscheins en caschiel, ei la claustra cumetenta da prender impegn e zuar il dubel impegn tenor dretg dalla Cadi; cass cuntrari croda tut anavos alla claustra.

Mo tgi che habitescha sin territori da Tschamut ed ha leu ses beins, sa guder l'Alp Tschamut. Jasters vegnan exclaus dalla gudida.

Ils da Tschamut debiteschan alla claustra da Mustér mintg'onn in tscheins da "vier schilling an werdt kessen" che ha cuzzau entochen tier la recumpra igl onn 1861. Il tscheins ei in deivet d'obligaziun. Vegn il caschiel buca furnius ei la claustra autorisada d'impegnar la raccolta da lur beins. Quei dublamein tenor dretg territorial dalla Cadi.

La claustra ha ina migiuria a Segnas. Sut "oberzehendtenn" ei da capir la scheina sura dil vitg. Forsa setracta ei era dalla cuort a Rueras. Sche quei corrispunda lu sa quei buca esser sigl arela dil casti da Putnengia, anzi plitost sur la via d'Ursera a Putnengia Dadens ni Dado.

1610 - 1613
Da quei temps vischins da Tschamut ston secumprar en sch'els vulan retscheiver ils dretgs da Tujetsch. Ch'ils vischins da Tschamut han ina posiziun speciala pertuccont il diever digl uaul, pastiras ed alp ei enconuschent. Els fuorman ina vischinadi per sesez. Tgi che vul bandunar e serender giu ella val e retscheiver il dretg da burgheis da Tujetsch sto persuneter pagar in detg daner. Las impurtaziuns ein d'anflar el rodel dils tscheins da 1555.
  
        Jtem Jan Marttin Schnider uff Schamutt ist in genumen für ein nochpur von Daffesch in jar 1613, hatt geben zu erschatz und ware sicherheit, hatt den gemeynen nochpur geben 46.

        Jtem Jan Liemett uff Schamutt ist in genumen für ein nachpur in Daffesch, hatt auch geben atchsechen guldi denen nachpuren in Daffesch.

1625.
Pertuccont las cauras da Tschamut deigen ver sco dretgs sco vidavon da pascular Cavradi, Maighels e Surpalits sco la brev da cumpra da quellas treis alps plaida (document dils 16 d'october 1625 cun ina aschunta da 1629). Posiziun dils da Tschamut en in scriver digl onn 1863.

1629
Igl onn 1629 ella brev da marcau dalla Alp Cavradi entras il cussegl ed ils vischins da Tujetsch ad in burgheis da Sumvitg, stat ina notizia che cumprova ch'ils habitonts da Tschamut laian buca curdar  la caschun dad engrondir lur pastira ed infirmar dretgs da diever "nämlich, dass wir noch unsere nochkomen nit befüegt sind noch gwalt haben, in die gemelte allp keines wegs zuo weiden noch zu meyen, vorbehalten dennen nachpuren von Tschamut mit jhren geissen in di gesgte allp fharen und weiden".
Pergameina nr. 31 egl Archiv communal Tujetsch.

L'Alp Tschamut cuviera sur liung temps ils basegns dil vischinadi. Per saver alpegiar cun biestga jastra, brischan e runcan ils purs ualti segir aunc el 16 e 17avel tschentaner parts pli lontanas ed uaul da muntogna spundiv. Aschia gudognan ins pastiras silla spunda dil Mund Traviers, denter il Rein da Maighels e l'Alp Cavradi.

1768
Tgi habitava 1768 a Tschamut?

  Num Prenum Num Prenum m f  
1 de Platz Gion Hütz
Margretta
3 2  
2     Riedi Maria Catrina * 2 1 vieua 
3 Sievi  Antoni  Caduff Maria Catrina  1 1  
4 Riedi Gielli Durig Hütz Maria Mengia 2 2  
5 Riedi Chrest de Flurin Onna Maria 2    
6 Riedi Barclamiu de Curtins Onna Maria  2    
7 de Flurin Chrest  Curseles Maria Cathrina  2 4  
8 de Flurin Balzer  Peder Maria Gieligia      
9 de Flurin Chrest. Jos Riedi Maria Cecilia 1 1  
10 de Flurin Placi Antoni Regli Maria Lisabet 1 2  
11 de Flurin Gion Battesta       1 vieu
12 Riedi Gielli Würth Mengia 1 4  
13 Hütz Gion de Curtins Maria Gioana   2  
14 Diog Columban de Flurin Maria Cathrina 3 1  
               
  13   13   20 21  

Remarcas davart la dumbraziun
33 umens e 34 femnas/26 carschi e 41 affons/giuvenils; total 67
* vieua da Clau Sievi
Deflorin e Riedi ein las duas schlatteinas dominontas cun 9 fiugs da 14!
Ils Diogs ein setratgs neu dad Andermatt suenter il barschament da 1766. Els ein ils geniturs dil portretist Felix Maria Diogg (1762-1834). La mumma fuva naschida a Tschamut. Mira Würth (Werth) e Regli ein duas schlattas vegnidas neu da l'autra vart dil Cuolm d'Ursera.

1783
Igl onn 1783 munta la contribuzin alla claustra 144 crenas caschiel. 1 schilling corrispunda treis tozzels crenas. Ina favoreivla purschida ed in motiv pils da Tschamut da tgirar fetg bein sia alp.

1786
Quella situaziun speciala promova buca adina la pasch denter la val ed ils habitonts da Tschamut cun sia posiziun 'ina moda da stadi en in stadi. Els sedostan inaga encunter l'emprova d'integrar els cumplinamein ella vischnaunca ed encunter mintga contribuziun e taxas ch'ils vischins da Tujetsch vulan era pretender da Tschamut. Quei onn va ei pervia dils cuosts dalla casa caplania a Rueras e pervia da tscheins d'alps, carteivel mo pervia las alps Surpalits e Maighels. En quei senn secloma il tetel dil document: 
Spruchbrief zwischen dem Hof Tschamut und der übrigen Gemeinde Tavetsch betreffend die Kosten des Kaplaneihauses in Rueras und den Alpzins der Alpen Surpalix und Maighels, 1786 Februar 22.


1791
La dumbraziun da 1791 muossa il suandont maletg dils habitonts da Tschamut.

  Num Prenum Num Prenum m f Rem.
1 Riedi Gion Gaudios Berther Maria Scolastica  4  3  
2 de Platz Gion Riedi Maria Helena  2  3  
Sievi Lezi Caduff  Maria Elisabeth  1  2  
4 Riedi Gieli Durig Hitz Maria Mengia   3  4  
Riedi Joseph Anton Riedi Margreta Nescha  3    
6     Suliva Maria Durthè    2/mum. vieua
7 de Florin Placi Antoni        1 vieu
8 Sievi Antoni         vieu
9 Sievi Clau Joseph Hitz Maria Scolastica  1  1  
10 de Curtins Gion Fidel Diog/Sievi Maria Regla      
11 Diogg Giahannes Beer Mariusla   1*  
12 Diogg Columban     2 **  
13 Hitz Antoni Fidel     1 frar 2 soras  
14 Riedi Martin Hasper Peder Maria Margreta 4 1  
15     Riedi Cecilia 1 5 vieua
16 de Florin Rest     1 2 vieu
               
  14   11   23 28  

Remarcas
*strihau 1 e scret 3
** strihau sia onda
37 umens e 39 femnas/29 carschi e 47 affons/giuvenils; total 76
Suenter 23 onns ei la populaziun carschida a Tschamut per 9 persunas e 2 fiugs.
Ils Diogs ein restai a Tschamut ed in dils fegls ha fundau famiglia, il Giahannes.
Ils Riedis domineschan cun 4 fiugs suandai dils Sievis cun 3 fiugs.

19avel
L'extensiun dil spazi da pascular per la biestga ed il diever annula da lenna smasa igl uaul. Per miez il 19avel tschentaner pren quella devastaziun ina fin. Vid schurmetg pigl uaul negin che patratga.

Duront plirs tschentaners cumprovan ils da Tschamut ina remarcabla independenza. Aunc el 19avel tschentaner drovan els l'alp tenor usit e vegl dretg. Leutier noda Josef Steiner, scolast a Selva, en sia descripziun da Selva
Il vitg da Tschamut era plirs tschiens onns staus en possess d'ina stupenta alp che era ad els, po ins dir gest avon casa. Ussa va la via aunc gest sper l'alp ora che ha dau a quella alp bunamein la dubla valeta. In'alp cun bunas auas en abuldonza e buca malsegira per ruclar animals. Mintga famiglia veva en qualla alp duas tegias, essend cheu duas midadas, ina giu bass ed in'autra pli si ad ault. Cheu savevan lura ils da Tschamut gia baul la primavera ira en l'alp cun tut lur animals pigns e gronds. La sera mavan ei en e mulschevan mintgin sias vaccas e cauras. La damaun suenter mulscher caschavan ei e mintgin vegneva lu a casa cugl alv e la schuffa caulda da solver. Il pieun vegneva lu schaus tier la punt da gentar e tut vegneva lu cheu fatg bein a nez.

Quella pratica da diever mo per els sto vegnir relativada. Per temps han ils da Tschamut priu si biestga jastra. Tec ha tec han els extendiu lur territori culla spunda dil Mun Traviers. Quella extensiun ha giu sias consequenzas e semuossa el cunflict culla vischnaunca igl onn 1863 entras in stentus process.

1801
Ciamut

Die Alp diess Namens Zinset jährlich fetten Käs Krinen 142. Dieser Alpzins ward vorzeiten ins Kloster gebracht, und dem Sennen etwas Merenda gegeben. Dermalen machen die Ciamuter wie die von Vall e Vallgiuf, und geben das gelt 18 xr. f. Krinen. Es kann aber auch hier jeder Zeit der Käs in natura gefordert werden.

1806
Ils da Tschamut vegan en carplina denter els. Las duas partidas secunvegnan cun agid dallas autoritads da cumin. Els secunvegnan e siaran giu "giu ina cunvegnientscha adequata cun la brev veglia, la quala duei restar en kraft per adina, taluisa che dacheudenvi ni ils paucs ni ils biars dils vischins possien zatgei midar da quella sut negin tetel ni pretext la quala ei sco suonda:

1. Deigi la grevezia digl arvè, baghetgs e tuttas autras che pon ira vid l’alp vegnir partidas giu e purtadas suenter ils praus ed èrs che vischins
2. possedan leu Tschamut e per consequenza deigien era igl interess vegnir partius e possedius suenter praus ed ers, quei ei sch’ei vegn schau via, ni priu si s.h. tiers.
3. Deigi scadin vischin, quei ei mintga fiug, puder tener a casa ina s.h. vacca, sch’el ha agen envernau per mulscher, sco adina ei usitau e dapli deigi el aunc puder prender si ina schetga ni da mulscher ed era tenera casa.
4. Possi scadin vischin era metter tut ils auters ses tiers e guder l’alp.
5. Deigi mintga vischin aunc puder prender si annualmein in vadi ni in stierl, ni stiarla; il rest deigi vegnir cargau l’alp e partiu sco ei detg el secund artechel cheu sura; e quei vadi ni stierl duei vegnir cargaus ell’alp nua ch’ei cargan lur atgna biestga schetga.
6. Dil rest ton da cargar ad alp, ni guder mintgin ses tiers dapersei a siu plascher, sco era guder l’alp cun prender si tiers jasters, bein aber adina mo sco ei po purtar, ni schar via ch’els vessen davonz per lur biestga duei adina puder vegnir concludiu cun il pli da vischins, nua scadin vischin deigi puder dar siu meini.
E quei ei daventau en Mustér, ils 21 da matg anno 1806 e per confirmaziun da quei suttascrivin nus per cumissiun ed en preschientscha dils cheutier deputai da Tschamut

1835
La dumbraziun dils habitonts da Tschamut digl onn 1835

  Num Prenum Vegliadetgna Remarcas
1 Beer Caspar  15  affon natural
  Beer Vigil  37  um
  Beer Monicka  29  dunna
  Beer Creszenz 1  
2 Condrau Anna Maria 58 vieua
3 Decurtins Aloys 37 um
  Decurtins Viktoria 41 dunna
  Decurtins Johan Christian 7 um
  Decurtins Anna Maria 5 dunna
4 Deflurin Jakob Anton 46  
  Deflurin Creszenz 35  
  Deflurin Jakob Anton 12  
  Deflurin Sebastian 7  
  Deflurin Teresa 5  
  Deflurin Anna Margaritta 3  
5 Gama Caspar 38 vieu
  Gama Johan Joseph 15  
  Gama Scholastika 11  
  Gama Anna Maria 6  
6 Loretz Joseph Maria 20 um
  Loretz Elisabeth 25 dunna
7 Riedi Augustin 35 um
  Riedi Creszenz 34 dunna
  Riedi Creszenz 9  
  Riedi Johan Martin 7  
  Riedi Scholastika 5  
  Riedi Anna Maria 3  
  Riedi Gaudioss 81 vieu
8 Riedi Johan Joseph 34  
9 Riedi Sebastian 64 vieu
  Riedi Julius 9  
  Riedi Johan Baptist 7  
10 Riedi Rosa 40  
  Riedi Margaritta 44  
  Riedi Margaritta 15  
  Riedi Maria Ursula 38  
11 Siewi  Johan Nickolaus (statalter) 56 um
  Siewi  Johana 40 dunna
  Siewi  Johana Dorothea 23 um
12 Siewi Nickolaus 70 dunna
  Siewi Scholastika 70  
  Siewi Barbara 30  
13 Schmid Margarita 67 vieua
  Schmid Martin Felix 28  
  Schmid Paul 23  
  Schmid Jakob 19  
  Schmid Stephan 15  
  Schmid Johan Anton 11  
14 Schnoz Julius 26  
         

Remarcas
49 habitonts en 14 fiugs
Ils Schmid's cumparan per l'emprema gada a Tschamut. Il Giachen Antoni Schmid, cheu cun 19 onns, daventa pli tard igl um che gioga ina gronda rolla politica ella Val Tujetsch e quei atras ina gronda part dil 19avel tschentaner. El vegn enconuschents sco il Sten Alv da Gonda. Medemamein ein era ils Beers l'emprama gada ella retscha dils habitonts da Tschamut. Neu digl Uri ein ils Gama e Loretz secasai leu.

1845
Tujetsch, ils 15 da matg 1845
En caussa denter ina maioritad da vischins dil ludeivel vischinadi da Tschamut, numnadamein: statalter Gion Clau Sievi, Barclamiu Berther, Maria Margretha Riedi, Rosa Riedi, Gion Bistgieun Riedi, Clau Sievi e Sep Maria Loretz sco plogn, encunter ina minoritad sil medem vischinadi, numnadamein: signur assistent Giachen Antoni Schmet cun ses frars, Gion Giuseph Riedi,Giachen Antoni Deflorin, Augustin Riedi e Gieri Schnoz sco risposta, ariguard il guder l’alp da Tschamut aquistada dalla venerabla claustra da Mustér tenor brev digl onn 1543 ed en particular sin tgei moda reparter igl interess, avantatgs e disavantatgs da quella, la quala fatschenta ei stada ventilada entochen avon il ludeivel obercheit sut ils 8 d’avrel, aber igl onn present remessa ad in cumpromiss tenor brev cumpromissala dil medem datum eis ei dils suttascrets derschaders cumpromissals, suenter haver tedlau las verbalas proposiziuns dallas parts sezzas viu en ils produci mussaments litterals, numnadamein
a) La brev da cumpra dall’alp da Tschamut digl onn 1543.
b) Sentenzia en fatschenta encunter ils „hinderses“ dil vischinadi da Tschamut digl onn 1578.
c) Entelgientscha amicabla denter ils vischins da Tschamut digl onn 1806, ils 7 da schaner.
quels reflectau e ponderau, en particular tratg en consideraziun il cuntegn dalla brev d’anno 1543, sco buca meins sefundau sin la praxis ed usit da nies ludeivel cumin en fatgs d’economia da vischnauncas.

Cun sentenzia cumpromissala enconuschiu
1mo. Ils vischins sesents da Tschamut, che han ni gaudan casa e cuort, ers e praus, han ils emprems dretgs da cargar l’alp da Tschamut cun lur tiers envernai ora cun pavel carschius sil territori da quel.
2do. Igl arvè dils s.v.tiers pri si la stad, ultra dils envernai ora cun pavel da Tschamut, vegn partius suenter fiugs
3tio. Igl arvè dalla venerabla claustra da Mustér deigi vegnir tagliaus sin tuts ils tiers cargai mintga stad ulivamein, tier la quala taglia dus armauls schetgs sco stiarls, stiarlas e vadials vegnan quintai per ina vacca ni genetscha.
4to. Spesas per cumprar jarva, sco per manteniment da punts, baghetgs ed autras reparaturas vid l’alp, vegnan purtadas giu ulivamein suenter fiugs.
5to. Cun ils „hinderses“ duei vegnir secunteniu sco la sentenzia da 1578.
6to. Il regular l’alp, sco era il prender si ils tiers jasters, deigi vegnir concludiu entras il pli dils fiugs.
7tmo. Tuttas disposiziuns cuntenidas ellas brevs ni entelgientschas che stattan en cuntradicziun cun il present dispositiv vegnan declaradas ord kraft e vigur.
8tvo. Per spesas giudizialas ed extragiudizialas caschunadas avon la presenta enconuschientscha, paga la part dalla risposta al plogn 55 fl.
9vo. Las spesas giudizialas per incumet e cibari da quest tribunal cumpromissal consistentas en 43 fl. 16 x. vegnan dallas parts purtadas giu ulivamein, las extragiudizialas duront quest cumpromiss porta scadina part las sias.

Ils derschaders cumpromissals
Anton Arpagaus
J. B. Bundi
August Condrau

Ers, garnezi e mulins a Tschamut
Ils avdonts «dadains gl'uaut» ein mai stai pupergnai cun èrs da garnezi. Las uclivas situadas cheu denter 1500 e 1800 meters sur mar segidavan culs caschners, quels famus madiraders da graun. 
Ils Tschamuters havevan tschentau lur mulins dadens l'ucliva agl ur dalla via veglia dil Cuolm d'Ursera. Els partevan senza dubi ils indrezs culs vischins da Surpalits, schiditg che quell'ucliva isolada ei stada habitada secapescha. II Rein dalla Val Val haveva flad e forza d'anvonz per mover las rodas da quels emprems mulins sisum la Cadi

Sin in dessegn da 1817 muossa il pictur turitges Johann Ludwig Bleuler cun tratgs marcants las cascadas dil dargun ed ina mudesta tegia-mulin a garnugl el fiep sut ina preit crap.

Rein Anteriur Prau Mulins Aquatinta Bleuler
«Vue de la jonction des deux sources du Rhin antêrieur, celui du Mont Badus et du Crispalt, prise près de Chiamut». II paesagist Johann Ludwig Bleuler ei staus anno 1817 en Tujetsch. Siu mulin ault - d'aspect plitost niev - pudess esser il successur dil mulin bass staus pli da vegl da l'autra vart da l'aua, medemamein sut in grep. Pader Placi a Spescha ha fatg stem da quel «che stetti leu da vegl enneu», mond ina damaun d'uost 1785 sil Badus cul decan Fintan Birchler dalla claustra da Rheinau.

II num Prau Mulins silla riva seniastra dil Rein da Tuma cumprova aunc oz quei ch'ei stau inaga agl ur dil funs che stauscha viers il torrent dalla Val Val: mulins e matei era in fallun. Igl expert po aunc oz veser dadens l'aua las restonzas d'in dutg. L'ucliva da Surpalits ei svanida avon tschentaners, la nauscha lavina da 1809 ha derschiu treis, quater clavaus da Prau Mulins e probabel era ils indrezs hidraulics sper il dutg numnau.
II mulin sut il grep dado l'aua ha perencunter teniu petg aunc in pulit toc viaden el 19avel tschentaner. Mo cura che quel ei ius da rendiu eran la cultura da garnezi e da mulins gia fetg periclitadas. II stradun dall'Alpsu ha lubiu da menar la muliziun a Rueras

1848
Dumbraziun dils fiugs e habitonts: 16 fiugs cun 77 habitonts! 7 fiugs da schlatta Riedi.

1 Riedi Augustin 09-08 1801      
  Cresenzia Riedi 16-05 1802  1858  dunna
  Cresenzia 27-04 1824     
  Gion Martin 02-12 1826  1880  
  Onna Maria 05-12  1833     
  Maria Catharina 23-11  1836    
  Augustin  26-11  1841  1907  
  Maria Scolastica 05-01 1847 1920    
2 Riedi Gion Giusep 12-10  1811     
  Onna Margreta Deflorin 15-04 1807 1859 dunna
  Gion Antoni 05-03 1836 1910  
  Maria Brida  12-09  1837    
  Maria Victoria 30-07  1840     
  Onna Catharina 03-03  1842 1907   
  Gion Giusep 01-08 1845  1923  
  Onna Maria Gienoveva 28-06 1849  1924   
3 Riedi Gion Paul 13-08 1826    
  Teresa Deflurin 01-03  1830   dunna
  Giachen Antoni 25-12  1847 1850  
  Maria Cresenzia 30-09 1850   1920  
  Gion Fidel 10-10 1853     
  Maria Victoria 06-03 1856      
  Onna Maria 11-02  1858    
  Theresia 18-02  1860     
  Onna Catharina 30-01 1862    
4 Schnoz Gieli Librat 25-12 1808    
  Maria Cathrina Riedi 15-11 1812   dunna
  Maria Giuanna 06-06 1836  1913   
  Giusep Antoni 14-08 1840   1910   
  Margretha 20-09 1842 1913    
  Balzer 26-09  1845    
  Gienoveva 24-02  1848     
  Philomena 05-08 1849  1921   
  Gielj 07-10  1852  1920  
  Gion Baptesta  11-01 1857     
  Joseph Maria 21-05 1858   1894   
5 Riedi Gion Bistgiaun 14-06 1772  1858  
  Gielj 03-08 1826      
  Gion Baptesta 27-11 1828    
6 Beer Hasper 12-05 1821     
7 Riedi Gielj Durig 17-01 1768 1852   
8 Gama Gion Giusep 23-06  1822    ussa a Sedrun
  Maria Culastia 13-02 1825  1905  fargliuns
  Onna Maria 26-07 1828 1902    
9 Schmed Maria Margreta Riedi 22-10  1775  1850   
  Stiaffen 26-12  1820     
  Gion Antoni 26-07  1824     
10 Berther Barclamiu 05-10 1785      
  Onna Maria Sievi 23-06 1786  1857   
  Onna Margareta 16-03 1831 1909    
  Berther Gion Antoni 17-11  1793     
11 Loretz Giusep Maria   1814  1853   
  Lisabeth Berther 25-01  1811  1897  dunna
  Onna Maria 18-01 1830     
  Franz Giusep 07-01  1838     
  Lezi Antoni 22-04 1842     
  Sep Antoni 06-03  1845     
  Maria Catharina  30-08  1847 1912    
  Rosa Martina 17-04  1850     
  Margareta Cristgina 12-04  1853    
12 Deflorin Margareta Cresenzia Werth 28-03 1802    
  Giachen Antoni 16-11 1823     
  Gion Bistgiaun 08-12 1827     
  Cresenzia 01-09 1832     Medeli
  Barbla Cresenzia 31-03 1837     
13 Riedi Maria Margareta 02-06  1793 1852    
  Maria Margareta 24-05  1820    feglia
14 Riedi Pieder Paul 28-06  1787  1857  fargliuns
  Rosa 10-11 1795    
  Maria Ursula 16-04 1798   1857   
15 Sievi str. Gion Clau 04-11  1779     
  Maria Giuanna Hitz 16-04  1798  1856 dunna
  Giuanna Turtè 06-02  1812     
  Maria Culastia 01-07 1816    
  Maria Catharina  06-12 1818   1889   
16 Berther Gion Antoni  10-12 1793     strihau


1861
Brev da cunvenziun culla venerabla claustra da Mustér da vart da Tschamut
Denter la venerabla claustra da Mustér ed il vischinadi da Tschamut en la vischnaunca da Tujetsch, respectiv ils plenipotenziai dil vischinadi; signur Stiafen Schmed e Gion Paul Riedi, ei sut il present datum vegniu tier la sequenta cunvenziun, cun reserva davart dalla claustra dalla cumpetenta ratificaziun.
Il vischinadi da Tschamut che pagava in annual tscheins da 80.43 frs. en resarciment dil caschiel grass che schai sco grevezia annuala sin lur alp Tschamut alla venerabla claustra – liquidescha e paga giu questa grevezia per adina encunter l’universala summa da 2000 frs., ditgel francs duamelli. Quest capital paga il vischinadi igl onn 1861, s.Martin, cun il tscheins da 5% vitier.

Il possess dall'alp promova dispetas
Aschia noda il cronist e scolast Giusep Steiner: Duront la stad prendevan ei lu si bia animals e tergevan lu in grond pagament. Da parter quella rendita deva ei denton savens dispetas e scandalems. Tgi leva parter suenter olmas, tgi suenter famiglias ed auters suenter rauba, aschia ch'ils rehs survegnevan il bia. Da quei plaida gia la cunvegna da 1806.
Ils vischins da Tschamut ein sepassai si encunter la vischnaunca e pretendiu ch'els sco affons da vischnaunca hagien era ils dretgs dallas autras alps da vischnaunca sco auters vischins da vischnaunca. Lur alp seigi lur atgna proprietad.
Igl ei allura vegniu menau viaden aschi lunsch ch'ei era tut predestinau da dertgar cun gronda vehemenza da maniera che quei process custava mellis en paucs dis.
Avon che muentar process han ei tuttina concludiu da vegnir perina amicablamein e buca dar ils mellis als advocats e procuraturs. La vischnaunca ha dau in tons tschiens ed ei vegnida en possess dalla alp (1866). Ils Tschamuters han giu quels daners e lur biala e cumadeivla alp han ei piars per adina e tier piarder l'alp han ei aunc giu beffas e gomias. Paupers Tschamuters!

1863
Cun 1863 entscheiva la gronda dispeta cun la vischnaunca. La mediaziun dils 7 da mars 1863 porta nuot. Ei va pervia dils cunfins dall'alp. Ils da Tschamut fan valer quels suandontamein: 
1mo. Che quei che seigi da maun seniester dil Rein, dil Plaun Mulin, enasiviars, tochen si tier il cunfin d’Uri da quest maun il lag d’Ursera, e da leunenasi sco l’aua che vegn giud las Puzzas e sparta il territori d’Uri, audi tut tier l’Alp Tschamut tochen tier il cunfin da Maighels e Cavradi e ch’ils vischins da Tschamut hagien il dretg da guder questa lur alp persunalmein, seigi cun pascular ni segar sco atgna proprietad.
2do. Pretenda il vischinadi da Tschamut da ver il dretg vid tuttas autras alps, pastiras ed uaul da vischnaunca sco mintgin auter vischin da vischnaunca hagi.

Plinavon va ei era per la pastira dil Mun Traviers. Ils Tschamuters pretendan:
1. Che la brev da 1398, renovada 1543, deigi valer.
2. Che la vischnaunca renconuschi il numnau Mun Traviers ni pastira da casa sco nus vein per atgna proprietad.
3. La vischnaunca possi quell’alp ni pascular ni segar. cun terminar tut quei ch’ei dispiteivel denter la vischnaunca e Tschamut.
4. Dil maun da Muschaneras, quei dil Run Gron viers encunter il lag dueigi restar en cuminonza, bein aber ch’ils da Tschamut possein cargar las lur nuorsas cun la vischnaunca sch’ei plagi ad els.
5. S’obligheschan ils da Tschamut da star naven dils 20 da zercladur sin lur alp entochen ch’ei vegn descargau las alps – sco era deigi la vischnaunca buca stuer clauder naven dil Rein da Prau Mulins entochen tier Surpalits, bein aber che sch’in ni l’auter vischin less clauder, che la vischnaunca stoppi dar lenna da clauder.
6. Pretendan ils da Tschamut da haver tuts dretgs dils uauls ni autras lennas da feglia sco la vischnaunca.
7. Tuttas taglias che vegnan fatgas en vischnaunca ariguard las taglias deigi vegnir priu si il cadaster dallas raubas privatas sco generalas resalvond ils uauls, quei fuss taglia per la via nova e deigi vegnir pagau suenter mellis.
9. Deigi ei vegnir a restar denter la vischnaunca e Tschamut reciproc vicendeivel da vegnir sin Tschamut ed ils da Tschamut vegnir anoragiu.
10. Tuccond tier il pauperesser da vischnaunca il trer via quels, deigien ils vischins da Tschamut esser perservai da buca stuer schar vegnir tier da sias atgnas alps a quels cun segar ni leu cultivar, auter che sco quei che sia brev da cumpromiss plaida.
11. Tuccond tier las cauras dil vischinadi da Tschamut, deigien quels ver il dretg da schar ira libramein en CavradiMaighels e Surpalits da tut temps, sco la brev dalla vendita plaida da quellas treis alps.

Il process entscheiva ils 14 da settember 1863 e cuoza tochen ils 21 da november 1863 cun la sentenzia: 
Ord motiv che la ludeivla vischnaunca da Tujetsch sco part plonschenta ha buca presentau sufficients mussaments per la proprietad dil questiuneivel territori e consequentamein tenor principis processuals (art. 155) sto vegnir decidiu en favur dalla risposta, Tschamut.
Ord consideraziun che la part Tschamut ha obteniu la pli part dils interlocuts ed era il meritum causae sez, denton aber tras ina suspensiun dau caschun tier spesas cun dretg e sentenzia.
Enconuschiu
1. La ludeivla vischnaunca da Tujetsch ei cun sia pretensiun da proprietad vid il Mun Traviers entruidada tiella pazienzia.
2. Dallas spesas giudizialas egl importo dad 896 frs. paga la part dil plogn, Tujetsch, 4/5, la risposta 1/5, Tschamut. Per spesas extragiudizialas ha il plogn, Tujetsch, da bonificar 200 frs.
Communicada la sentenzia declara la part da Tujetsch encunter quella igl appelaz tiella dertgira cantunala. 

1865
Tschamut, ils 10 da settember 1865
Ein ils vischins seradunai ensemen cun signur assistent per sedeliberar sur la questiun dil process che nus vein avon maun, Tschamut cun la vischnaunca. Eis ei concludiu aschia tut per la pasch. Secartein che la vischnaunca seigi era el medem cass seresolvida, pasch, mo mintgin sto perdunar la caussa sez.
Tschamut
ni ils vischins ch'ein oz seradunai, eis ei concludiu che la vischnaunca stoppi s'obligar da dar a mintga fiug 450 frs., ditgel quatertschien tschunconta francs. Lura ein ils vischins cuntents da surdar alla vischnaunca l'alp totala e schar administrar quella cun nus ed ensemen. Bein aber clar entelgiu, che mintga fiug possi metter quels daners suenter siu plascher. Plinavon per salvar negin regress en neginas caussas, duei la vischnaunca era mirar da dar ina honesta pastira da casa per ils basegns sco ei sedrova. Ultra da quei sentelgescha ei da sesez, che la vischnaunca stoppi prender giu tuts deivets che schaian sin l'alp, ei pil process ed il deivet che la veva ordavon sin ella, insumma tut quei che schai da quella natira. Vegnend perina cun la caussa, sch’ein ils vischins cuntents da parter tuttas grevezias cun la vischnaunca, seigi bien ni schliet. Il cheu avon scret vegn attestaus ch'ei seigi ver e per confirmaziun dil vischnadi en num da tut ils vischins suttascrivan.
Gion Paul Riedi, Stiafen Schmet e Gion Giusep Riedi.

1866
Cunvenziun da pasch denter Tschamut e Tujetsch

"Cunquei ch'il vischinadi da Tschamut veva in’atgna alp ed era pastira da casa exceptuai dalla vischnaunca e quella veva da l'autra vart sias alps e pastiras per ella, ha quei da temps en temps dau caschun tier questiuns, dispetas e custeivels process e quei nominativamein el novissim temps, sch'ein omisduas parts vegnidas tier il patertgament d'entrar en ina amicabla cunvenziun e far fin a tuttas dispetas e questiuns ch'ein ussa avon maun, sco era da prevegnir ad ulteriuras questiuns da quellas varts.
... Surdat il vischinadi da Tschamut tras la presenta per ils presents vischins sco lur vegnentsuenter tut quei ch'il vischinadi sco tal posseda per el; seigi alp ni pastira, alla ludeivla vischnaunca ussa e per adina.
... Leu encunter han ils vischins da Tschamut art e part da tuts beins communals dalla vischnaunca.
... 
La vischnaunca surpren il deivet dils da Tschamut da 7379.02 e mintga fiug retscheiva 400 frs. 
Quei ei succediu ils 4 da mars 1866.


1862 - 1866
Aschia plaidan ils protocols da vischnaunca ed aschia han ils uemns dalla val tractau la caussa Tschamut.

1862
... dall’alp culs da Tschamut eis ei schau sura [...] ludeivel obercheit da secunvegnir giu cun els ed era metter en tiarms.

1863
Ei concludiu pervia dalla fatschenta cun ils da Tschamut, d’ira sin il plaz enzacons umens ed empruar da s’entelgir denter nus ed ils vischins da Tschamut, s’entelli aber cun approbaziun dalla vischnaunca.
Ei legiu giu ina citaziun dada ora dil president digl appellaz, il qual lai avisar che la ludeivla vischnaunca duei cumparer sin ils 11 da quest a Trun per corrispunder pervia dalla dispeta dil Mun Traviers davart dil vischinadi da Tschamut.

1864
Ei purtau avon pervia dalla fatschenta cun Tschamut, schebein ins vegli ir vinavon tier la dertgira cantunala ni buc ed ei allura concludiu da retrer la segirada e schar esser la caussa sco ella ei.

1865
Eis ei vegniu projectau da trer ora ina cumissiun, e quei schar sura da trer ora mintga vischinadi, e quei ton pli gleiti per mirar sche ins savessi seregular giu cun ils da Tschamut appartenent la nova questiun, cass cuntrari che quella savess quei buca seregular giu, sche duei vegnir legiu ora adattai per cun quella ira vinavon e cun quest cheu avon scret eis ei vegniu desliau si la vischnaunca.

Eis ei vegniu mess avon la cunvenziun fatga denter il vischinadi da Tschamut e la vischnaunca appartenent la questiun ch'ei vevan pervia d'alp e pastiras. Ei allura dalla vischnaunca e da part da Tschamut vegniu unitamein approbau tal e qual sco la brev da cunvenziun plaida, bein aber ch'il deivet che Tschamut ha, seigi garantius da buca survargar la summa da 12'454.38 frs., ultra da quei cheu aunc prender giu las spesas dil Cussegl Pign e per siu procuratur Christ tgei ch'el pretenda ultra dil schon dau a quen dils da Tschamut, bein aber duei la vischnaunca ver il dretg vid las duas segiradas che era stau dau 400 frs. da retrer quellas per sesezza.

Suenter che la cumissiun stada legida ora dalla vischnaunca per schar s’entelgir cun il vischinadi da Tschamut ha giu dau giu il rapport ch'ella hagi era approbau, ni anflau per bien da recumandar alla vischnaunca. Questa cunvenziun desisti da 50 frs. per fiug, aschia fussi da bonificar a scadin vischin u fiug entir 400 frs. ed ils mezs fiugs 200 frs. e suenter ver udiu il rapport dalla cumissiun, ha la vischnaunca, cun schar sentir ch'ins fetschi quei sulet per la pasch, unanimamein approbau questa cunvenziun sco ella ei revedida dalla cumissiun cun consentiment dils vischins da Tschamut.

Eis ei vegniu mess avon alla vischnaunca, sch'ella vegli schar e metter l'Alp Tschamut egl ingant e quei zuar schar scriver ora ell’Italia, sco era cheu entuorn ella Svizra. Ed ei allura vegniu concludiu da schar scriver ora quella e fixar il termin entochen sin il mars digl onn che vegn per metter lura quella egl ingant. Eis ei vegniu dau per untgida per l’Alp Tschamut il Pastg e la Foppa Tschuppina sut il stradun niev, sco era sur Carmihut en ed ora.

1866
Ei vegniu rapportau, ch’ins hagi aunc buca saviu sentelgir cun ils vischins da Tschamut ariguard dar giu ad els la pastira da casa, la quala ha las suandontas determinaziuns. Oragiudem encunter il Rein da Curnera da l’autra vart il Rein de .... , e praus da casa e Prau Mulins, sco era encunter la Val Surpalits, ensiviars entochen il Trutg dalla Platta che va en giudem Plaunca Verda, anen da quella vart entochen entatier la Gonda dalla Rufna e lura retuorna ei vid il Rein e va suenter il Rein entochen l’aua Darvun e va suenter quella enasi la Rufna. Sisura va ei si encunter il trutg da Surpalits e sco quel vegn oragiu e fila oragiu encunter ils Trutgs dallas Cordas filan e van sur quels trutgs ora agradora entochen ora el Fop dil Trutg dallas Cordas e leu retscheiver il Trutg Flurinet e sco quel va agradora entochen ils cunfins dallas plattas, cun remess cura ch’ils vischins da Tschamut possien guder il Fop dils Planets ensemen cun quels dall’alp, bein aber pon quels dall’Alp Tschamut ir atras cun sia s.v. biestga per aschiditg sco ei stattan giu Milez, aber mo passar via dil buntaduir dalla Rufna ed ira si dadens il dutg dalla Val dils Planets e lura traversar ora sut il Plaun dils Planets ora en sill’alp e quei senza paschentar. Il returnar hagien els negins dretgs per quei di da cau, mobein ira si e surengiu dil buntaduir da Foppa Gronda. Cheu dasperas remarcar, che las cauras dil vischinadi da Tschamut hagien ils medems dretgs sco d’entochen cheu e las nuorsas era ils medems dretgs entochen ch’ei carga e lura dueien quellas vegnir cargadas cun quellas dalla vischnaunca.
Sin quei ha la ludeivla vischnaunca unanimamein concludiu, che quei seigi avunda ad interim, ni per in onn. Duess ei aber resultar, che vessen il cuntrari, sche duei vegnir dau a norma dallas autras pastiras ch’ei hagien per lur basegns. Duess ei resultar ch’els vessen schon ussa memia biara, sche en gliez cass ha la vischnaunca il dretg da prender naven.
4. Eis ei era vegniu legiu giu la brev da marcau dalla vendita e cumpra dalla alp da Tschamut, la quala ils signurs vischins dil Hof Tschamut vevan giu sez tschentau si sias pretensiuns e dretgs per far communabel cun la vischnaunca ed hagien tuts dretgs vid ils fatgs communabels, seigi ton vid il bien sco vid il mal, quei ei ton vid igl activ sco il passiv, la quala brev era approbada dils vischins dil Hof Tschamut, ed era approbada dalla vischnaunca. Essend aber quella buca cumpleina, sch’eis ei vegniu giavischau dils vischins da Tschamut, ch’ei vegni tschentau si ina autra brev e zuar tenor cunvenziun fatga cun la vischnaunca a norma ........ senn dalla emprema brev. Sch’eis ei allura vegniu tschentau si in’autra brev, la quala aber ils vischins da Tschamut han buca vuliu suttascriver e quei sulet ord raschun, che en quella seigi buca ad els garantiu che quels 400 frs. che scadin fiug retila per ina recumbensa, resti ad els sco atgna proprietad, dil rest eran els cuntents cun il cuntegn da quella nova revedida e cumpletada brev, la quala ei da ver alla fin dil cheu detg protocol.
Suenter esser legiu giu la cheu avon indicada cunvenziun alla vischnaunca, sche ha quella approbau, cun remarcar, che essend che l’emprema brev hagi fatg negina menziun da garanzias e ch’ins sappi buca prender si ella nova brev enzatgei niev, il qual fetschi tuttavia buca da basegns, essend avon maun negins prighels ni raschuns da saver ad els prender naven quei importo e fetschi aschia buca da basegns da garanzia.
Eis ei vegniu rapportau ch'ei fussi necessari da dar ina instrucziun als geraus, co ei hagien da secuntener cun schar via l'alp da Tschamut. Eis ei sin quei concludiu sco suonda. Duei vegnir schau via l'alp per tschun onns e quei ni per dapli ni per dameins onns, sco era duei quella buca vegnir schada via per meins, che igl entir tscheins che stat sin quella, ch'ei annualmein 640 frs. cun dasperas dau ordavon ils cunfins che quella alp ha, sco era tgei ulteriuras grevezias quella porta. Ella cunfinescha oragiusut la pastira da casa dil vischinadi da Tschamut, da l'autra vart cunfina ella encunter l'alp Cavradi e l'alp da Maighels, enasisum cunfineschan ils cunfins dil cantun Uri, da l'autra vart encunter l'alp u Rein da Surpalits e va ensi encunter il crest, Spitg da Muschaneras, quei ei bein entelgiu dil maun da Cuflegl e sco quel va si encunter la greppa, cun cheu remarcar che la vischnaunca resalvi per sesezza la Tgauma ch'ei dil maun da Cuflegl encunter il Crest da Muschaneras giu tier l'aua sco quella ei stada usitada dalla vischnaunca treis ni quater onns per lur tgauma. Sin las Puzzas dil Lai ha la vischnaunca per sesezza tut quei che pendi anenagiu viers encunter il Lai d'Ursera.
Ultra da quei ha la vischnaunca reservau per sesezza il fein a pastg el Cuolm Ault ch'ei sin l'alp Tschamut e quei ei en ils sequents loghens: il Denter Dutgs, las Plauncas Nurschalas ed ils Bauns Tuma che stattan davontier en fatschada. Plinavon ha il vischinadi da Tschamut ils dretgs da guder l'alp cun sias cauras da tut temps senza neginas interrupziuns dils affittaders che prendan si quella, sco cun sias nuorsas entochen ch'ei vegn cargau ad alp, bein aber per ils affittaders che prendan si quella alp, las nuorsas enviar ensi en pastiras da cauras e quei adina s’entelgiu sin ina dueivla moda, senza tgauns.
Plinavon resalva la vischnaunca il transit per ira cun la biestga enta Maighels ed anora e quei adina d'ira vinavon raschuneivlamein senza star e paschentar cheu ils s.v. tiers.
Plinavon dat la vischnaunca tier l'alp da Tschamut ina untgida per temps ch'ei neiva sin l'alp e quella ei tut il Pastg sur il stradun en ed ora, sco era a Carmihut sur il stradun e la Foppa Tschuppina sut il stradun.

1866
Igl onn 1862 ha il cantun Grischun surdau las lavurs per schar construir il stradun naven da Mustér tochen S. Brida ed in onn pli tard 1863 la part da S. Brida entochen als confins dil cantun Uri. Gia 1865 cursava la posta da cavals regularmein naven da Mustér sur il Pass Alpsu ad Ursera entochen Brig
Tschamut ei sedestadaus ord siu esser d’in vitg pauperet ed ha survegniu grond’impurtonza. A Tschamut vegnevan ils cavals scumiai ora ed ei veva in biro da posta. Perfin ina residenza per in schendarm survegnan ils da Tschamut.
La famiglia dil Lucas Cavegn ha reagau sil svilup ed ha baghegiau in hotel niev a Tschamut. Ils viandonts, turists han spert engartau il vitget alla tgina dil Rein. Igl emprem hosp che ha purtau siu num el cudisch da hosps, ils 5 da fenadur 1867 ei stau in sgr. Dr. C. Sieger da Frankfurt cun la menziun «sehr zufrieden».
Igl onn1869 annunzia Karl Badecker il hotel en siu guid da viadi. Gia egl emprem cudisch da hosps enscrivan hosps ord biaras tiaras europeas.
Cura che la famiglia dil Lucas ei dada dapart ha il fegl Carli surpriu il hotel Rheinquelle da Tschamut. El eri in capavel ed iniziativ hotelier. Entras baghegiar ina remisa cun suren ina dependanza cun pliras combras ha el engrondiu considerablamein sia fatschenta. Da vart seniastra dil hotel ha el baghegiau ina spaziusa e biala sala. Quella ha la lavina demoliu igl onn 1951. Da vart dretga el liber ha el baghegiau ina hetta da lavar cun suren in per combras. Era quella ei daventa in’unfrenda dalla lavina. Visavi il hotel, da l’autra vart dalla via, steva il biro da posta cun vidlunder in pavigliun e negozi da mineralias. (text citau ord 100 onns Hotel Krüzli da Leci Brugger)

1886
Aunc 1886 vegn tier ina vendita d'in mises a Prau Mulins fixau il suandont pervia da dretgs da pasculaziun:
Brev da marcau dils 10 da mars 1886
... Tier il funs eis ei dau il baghetg a Prau Mulins ch'il sura Thomas HUonder ha leu baghegiau, sco era tut il fein ch'era en quei clavau, cura che quei funs ei vegnius vendius, sco era la mesadad dalla tegia a Milez/Tschamut ed aunc la lenna ch'il Huonder duvrava per far la punt per ira sur il Rein vi e neu cun siu muvel la primavera. Tut quels sura menziunai funs e baghetgs ein vendi cun ils medems dretgs e regress sco il possessur Huonder ha gudiu e possediu. Sco era da puder guder sco la brev dall'alp da Tschamut plaida a dato da 1398 e renovada 1543, che sesanfla egl archiv da vischnaunca che plaida da puder guder cun ira e vegnir cun ils tiers en quels baghetgs tochen S.Placi ch'ei ils 11 da fenadur. Il cumprader ei stau Gion Giusep Riedi per la summa da 2550 frs.

Conclusiun
Culs onns 1860 semida la situaziun da Tschamut - la historia per propi, ina singulara per in vitget alpin, che ha cuzzau forsa 600 onns ei ida a fin. Ils Tschamuters ein dapi lu integrai entiramein ella vischnaunca da Tujetsch!

 

 Fontaunas: Archiv communal Tujetsch, documentaziun 16. ...
  Notizias da dr. Paul Tomaschett egl Archiv cultural Sumvitg a Surrein
  www.thendry.ch 
  Cudisch da Tujetsch, 1987, differents auturs
   

 

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img06.jpg